Iruñeko Udalak ingelesarekin trabatuko du euskararen murgiltzea haur eskoletan
Datorren ikasturterako Iruñeko haur eskoletako hizkuntza ereduak aldatuko ditu Iruñeko Udalak ostegun honetako osoko bilkuran erabaki duenez. Haur eskoletako hezitzaileen komunitatea erabakiaren aurka agertu da eta grebara deitu du datorren otsailaren 12rako.
2021eko aurrekontuak elkarrekin onartu ondoren, Navarra Suma eta PSNren gehiengoa hasi da emaitzak ematen eta horietakoa da atzo onartu zuten haur eskoletako hizkuntza ereduen aldaketa. Honen arabera, Iruñerrian dauden hamasei haur eskoletan, bakarrean egongo da euskarazko murgiltze ereduaren aukera, Txantrea auzoan; hiru eskoletan euskara eskainiko da, batean gaztelaniarekin eta beste bitan ingelesarekin.
Ezohikoa bada ere, neurriak haur eskoletako zuzendari eta hizkuntza teknikari gehienen adostasuna ekarri du, eta udalak hartutako neurriaren aurka egin dute: antolaketa aldetik ez dute egokia denik ikusten eta haurrak hain gaztetatik hiru hizkuntzarekin hastea ere ez.
Haur eskoletako langileen batzordean ordezkaritza duten LAB, CCOO eta AFAPNA ere erabakiaren aurka agertu dira eta datorren otsailaren 12rako greba deitu dute. Steilasek eta ELAk ere babesa agertu diote grebari. Iruñeko Udalari plana gelditu dezala eskatuko diote eta Nafarroko Gobernuko Hezkuntza Sailari haur eskolen kudeaketa bere gain har dezala.
EH Bildu eta Geroa Bai aurka
Oposizioko bi indar politikoek gogor kritikatu dute PSN eta NSren erabakia, funtsean euskararen garapenaren aurkako neurritzat hartuz. Bien ustez, eskaintza berria eskariaren arabera antolatu behar da, hiriko euskaldunen eskubideak kontuan hartuz. Iaz udalak NSren eskariz egindako inkestaren arabera, gurasoen %38 prest zegoen haurrak euskara hartzen zuen hizkuntza ereduren batean matrikulatzeko.
Haur Eskoletako Gurasoak plataformak oraintsu egindako eskaeran ere Iruñeko haur eskolak lau esparru geografikotan banatzea eta bakoitzean euskarazko murgiltze eredu bat jartzea eskatu dute, baina bistan da, eskaerari muzin egin zaio.
Oso aspaldikoa da haur eskoletan euskarazko eskaintza gehitzeko eskaera, baina UPNko udalek, PSNren sostenguarekin, beti blokeatu dute euskarazko eskaintza zabaltzea. EH Bildu 2015ean Iruñeko udalera iritsi zenean, eskaintza lau zentrotara –hamasei dira guztira– zabaldu zuen, baina iaz auzitegiek atzera bota zuten Joseba Asironen udalak egindakoa eta 20-21 ikasturtea atzera egiteko baliatu zuen Enrique Mayak.
IRUÑEKO HAUR ESKOLA PUBLIKOAK
— HE Gurasoak (@GurasoakHe) January 23, 2021
4 barruti = 4 murgiltze eredu euskaraz@geroabai , @Podemosnavarra, @EzkerraN eta @ehbildunafarroa-ri eskatzen diegu gure gutxieneko proposamena publikoki babestea eta @PSNPSOE eta @educacion_na-ri luzatzea.#Euskaraeskubidea#haureskolakeuskaraz pic.twitter.com/ZzaT1MUIOf
.jpg)
2025eko irailarekin hasiko den ikasturtean ez da izango sexu bereizketarik Gipuzkoako ikastetxeetan, Eusko Jaurlaritzako Hezkuntza Sailak asteazken honetan jakinarazi duenez. Eskibel eta Erain ikastetxe kontzertatuak dira gaur egun ikasleak sexuaren arabera banatzen dituzten bi... [+]
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
Haur Hezkuntzako lehenengo zikloan, hiru ikastetxera joateko aukera dute familiek: bata publikoa, beste biak itunpekoak. Legeak kontrakoa agintzen duen arren, plazen eskaintza ez dela orekatua eta itunpekoek dagokiena baino nabarmen plaza gehiago eskaintzen dituztela salatu dute... [+]
“Urte berri-berri, zer dakarrazu berri?” oihukantatzen genien, urteko lehen eguneko gaupasatik bueltan, bidean gurutzatzen genituen goiztiarrei. Eske puxken esperantzan gu, mozkor panparrotuok. Eta artean ez baitzen ez runner-ik ez eta selfie-rik ere,... [+]
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Ikasgaia ba ote dakizun frogatzeko eta horren arabera nota jartzeko hiruhileko amaierako azterketarik ez dago Laskorain ikastolan, Derrigorrezko Bigarren Hezkuntzaren lehen zikloan. Baina orduan, nola ebaluatzen dituzte ikasleak? Nondik ateratzen da azken kalifikazioa?... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.