Iruñeko Maya alkatea gaitzetsi dute PSNren botoarekin, UPNko bi diputatuk lan erreformarako botoa aldatu ostean
Sayas eta Adanero diputatuek Espainiako Kongresuan lan erreformaren aurkako botoa eman dute, eta UPNk aktak itzul ditzaten eskatu die. Izatez, UPNk iragarri zuen babestu egingo zuela gobernu koalizioa, eta, ordainetan, PSNk bertan behera utziko zukeen “adierazpen xenofoboengatik” Mayaren kontra Iruñeko Udalean egindako gaitzespena. Iragarpen guztiak aldatu dira azken momentuan, eta hautsak harrotu ditu.
Iruñeko Enrique Maya UPNko alkatearen aurkako gaitzespena onartu dute ostegun arratsaldeko udaleko osoko bilkuran, adin txikiko etorkinen kontra eginiko “adierazpen xenofoboak” direla medio. EH Bildu eta Geroa Bairekin batera azken unean PSNk ere bat egin du gaitzespenarekin, Espainiako Kongresuko lan erreformaren bozketako berriengatik: UPNko Sergio Sayas eta Carlos Garcia Adanero diputatuek kontrako botoa eman dute. Ez zen UPNk sozialistei hitzemandakoa, beraz, ordainetan Maya gaitzetsi dute.
Maite Esporrin sozialistak oso haserre erantzun die: “Noraino iritsiko zarete? Nola egin dezakezue iruzur horrela? Utzi adarra jotzeari. Egoera lotsagarrian utzi gaituzue”. Mayak arrazoia eman dio Esporrini, eta haren haserrea ulertzen zuela esan. Sayasi eta Adanerori bota die errua, esanez alderdiak ez zuela horren berri, eta haiei ere iruzur egin dietela. “Boto emaileekiko, afiliatuekiko eta alderdiko organoekiko desleialtasuna erabatekoa eta onartezina da”, kritikatu du UPNk ohar batean. Bi diputatuei eskatu diete kongresuko aktak itzul ditzaten. Hala egingo balute, UPNk Madrilgo bi diputatuak galduko lituzke, eta PP eta Ciudadanosen eskuetara pasako lirateke, Euskalerria Irratiak jaso duenez.
Adanerok Twitter bidez azaldu du lan erreformari ezezkoa ematearen arrazoia: “Kontrakoa egin izan banu Sanchezi babes argia emango niokeen, EH Bilduren laguntza duen Espainiako presidenteari”. Argudiatu du UPN alderdiaren ideien koherentziaz jokatu duela. Iturri batzuek zabaldu dutenez, bi diputatuak PP eta Voxekin elkartu ziren bozketaren aurretik, eta horregatik azken momentuko boto aldaketa. Halere, Sayasek ukatu egin du halakorik.
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Jaietako lehenengo egunean txosnen debekuaren aurkako manifestaldia egin zuten milaka lagunek Lizarran, eta bertako askok ‘Bajadica del Puy’ kalejiran jarraitu zuten protesta. Udaltzaingoak egotzi die "desordena publikoak" eragitea.
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.