Iruñeko haur eskoletako gurasoek epaia aplikatzeko luzamendua eskatu dute
2020-2021 ikasturtean, “inor aseko ez duten aldaketa arinak” ez egiteko eskatu du plataformak. Iruñeko Udaleko indar politiko guztiekin egon dira joan den astean eta plazen murrizketari aurre egiteko alternatibak lantzen ari dira.
Fernando Sesma izan zen Navarra Sumaren izenean plataformako gurasoekin bildu zena. Sesmak adierazi dienez, berriki egindako inkestaren datuak erabiliko dituzte beste tresna batzuekin batera datorren ikasturteko eskaintza egokitzeko. Oposizioan dagoen PSNko Maite Esporrinek berriz, esan die inkestaren emaitzak ez direlako erabiliko, epeak direla-eta.
Alderdi politikoetako ordezkarien hitzak entzunda, HE Gurasoak plataformak eskatu du epaiaren betetzea luzatzea, “ez baitu zentzurik ikasturte honetan aldaketa batzuk egiteak, jakinik ez direla baliozkoak eta datorren urtean aldaketak berriro ere egin beharko direla”.
Plataforma alternatibak lantzen ari da plaza murrizketaren ondorioz sistema publikoan euskaraz ikasteko aukerarik gabe geratuko diren familiei erantzun ahal izateko. Alderdi politikoei, sindikatuei eta gizarte eragileei laguntza eskatu diete alternatibak aurkitzeko.
Iruñeko Udalak egindako planaren ondorioz, datozen hiru urteetan haur eskoletako euskarazko plazak %14ra murriztuko dira, plataformaren iritziz. Enrique Maya alkateak jakinarazi duenez, datorren ikasturteari begira euskarazko eskaintza murrizteari ekingo dio. Adierazi duenez, Joseba Asironen taldeak arrazoi politikoengatik euskarazko plazak %40ra igo zituen joan den legealdian eta berak orain %22ra eramango ditu, bere hitzetan auzitegiek agindu bezala eta eskaintzara egokitzeko.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
