20 urte pasa dira Iruñeko gazteek Euskal Jai frontoi modernista okupatu zutenetik, urteetan herrialdeko gazte boterearen eta autogestioaren erreferentzia nagusi bilakatu zena. Maiatzaren 7tik 10era ekimen ugari antolatu dituzte eta maiatzaren 10ean desobedientzia jaialdi herrikoia izanen da Alde Zaharrean.
Denbora luze igaro da 1994ko maiatzean ehunka gaztek Euskal Jai frontoia okupatu zutenetik baina inork gutxik ahaztu ahal izan du Euskal Jai Gaztetxea izandakoa. Eta urtemuga garrantzitsu honek memoria historikoa astindu eta Euskal Jai Gaztetxea berpiztuko du hainbat ekimen eta ospakizunen bitartez.
Azken hilabeteotan Euskal jai Gaztetxetik pasatako belaunaldi ezberdinetako kideak elkartuz joan dira beraien hitzetan "Euskal Jaik merezi duen ospakizun eguna antolatzeko" eta hiritar orori bertan parte hartzeko deia luzatu diete.
Desobedientzia
Euskal jai Gaztetxea kontrabotere herritarraren ikur eta praktika eremu handia izan zen. Urtemugaren antolatzaileek azaldu dute desobedientziaz gaztetxea okupatu zutela, desobedientziaz adin guztietako hiritarrentzako hamaika ekimen antolatu zituztela, eta urteurren jaialdia ere desobedientziaz ospatzera doazela.
"Bere garaian UPNk ez zien iruindarrei baimenik eskatu Gaztelu Plazako zuhaitzak moztu eta plaza bera suntsitzeko, Barcinak eta bere kideek ez diote jendarteari baimenik eskatu guztion dirua lapurtzeko, eta Polok berak ez die hiritarrei baimenik eskatu kotxe ofiziala erabiliz mozkor gidatzeko. Guk ere ez diegu baimenik eskatuko Euskal Jairen okupazioaren urtemuga ospatzeko, kalea guztiona delako eta gure eskubidea baita!"
Ospakizun ekimen ugari
Urteurren ospakizunei hasiera emateko maiatzaren 7an belaunaldi ezberdinak bilduko dituen kafe-tertulia prestatu dute. Mintzaldiaren giltzarria guztien artean galdera honi erantzutea izanen da: "zer izan zen Euskal Jai zuretzako?". Maiatzaren 8an, aldiz, gaztetxeak bizitako 10 urteetako irudiak proiektatuko dituzte Zabaldiko "Zine txiroa" zikloaren baitan.
Azkenik, maiatzaren 10ean urteurren festa nagusia izango da. Goizean goizetik eta gauera arte Alde Zaharreko kaleetan hamaika jarduera burutuko dituzte, hiritarren topaleku izan nahi duten antzerki, herri bazkari, kalejira, txokolatada eta kontzertuen bitartez.
Testu hau Ahotsa.info-tik ekarria da lizentzia libreei esker. Originala hemen irakur dezakezue.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]