“18 urtekoen herenak noizbait apostu egin duela onartzen du”
Pasa den larunbatean Ermitagaina eta Mendebaldea auzo iruindarretako hamarnaka bizilagun bildu ziren otsailaren 8an Iruñerriko Apustu Etxeen Kontrako Plataformak deitua Iruñean egingo den apustu etxeen kontrako manifestaldia sostengatzeko. Protesta Gazteluko Plazatik abiatuko da 18.00-etan. Halaber, Haien negozioa, langileon miseria lelopean, Ermitaldea elkarteak mota honetako lokalen gorakada eta gazteengan sortzen duten ludopatia salatu zuen.
Mikel Ansorena Gutierrez Ermitaldea eta joko aretoen aurkako plataformako partaideak hedatze horri aurre egiteko kezkaren zabalpena itxaropenerako tresna gisa gailendu zuen: “Gero eta auzo zein herri gehiago batzen ari zaizkigu eta mugimenduak aurrera egitea espero dugu”. Horretaz gain, hurrengo manifestaldia “jendea kalera ateratzeko eta apustu etxeak erregulatzeko” balio izatea espero du.
Kontzientziazo horretan 24 urtez lanean dabil Nafarroako ludopatiaren aurkako Aralar elkartea, aurten sortutako hiriburuaren eskualdeko plataformarekin harreman estua daukana. Hauen datuen arabera, “Nafarroan 60 inguru dira mota honetako negozioak, eta kopurua gora doa”. Nabarmentzekoa da, aipatu zuten larunbateko kontzentrazioan, “jokalarien %60a ez dela gai eskatutako maileguak itzultzeko”. Gainera, komunikabidetan “publizitaterik ez zaiela falta” kritikatu zuten, hain zuzen ere.
Etorkizuna jokoan
Kezka nagusiena etorkizunari begira agertzen da, izan ere “bereziki harritzekoak dira gazteen apostatzeko ohitura adierazten duten datuak, 18 urtekoen herenak noizbait apostu egin duela aitortu du”, ohartarazi zuten. Plataformaren ustez fenomeno honen arrazoietako bat, joko aretoen berezko “erakargarritasunaz” gain, hauek eskolekiko duten kokapen hurbila da. Esate baterako, Mendebaldea auzoko Jaso Ikastola Reno aretotik 350 metrora dago, Merkuretik 200 metrora eta Sportiumetik 190 metrora. Gainera, alboan Nafarroako Liburutegia eta Musika Kontserbatorioa daudela gogorarazi zuten. Hortaz, beraien auzoa “apustu etxeen goraldiaren ispilu” dela ondorioztatu dute, egoera ez delako salbuespenekoa Iruñean, bertako apustu etxeen %90a ikastetxeren batetik 200 metro baino gutxiagora daudelarik, Diario de Navarra-k pasaden astean publikatutako albiste batek dioenez.
Egoera hau “larritzekoa” dela adierazi zuten Ermitaldeako kideek eta ondorengo jakinarazpenak egin zituzten: “Auzotik kanpo nahi ditugu adikzioa sustatuz etekinak lortu nahi dituzten horiek, eta ez gaituzte geldituko!”. Izan ere, ñabartu zuten, “kontsumitzailea beti ateratzen da galtzaile”. Horregatik, datorren larunbatean Iruñerriko Apustu Etxeen Kontrako Plataformak partidarekin bukatu nahi du, eta behingoz irabazi.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.