Datorren ikasturtean ere Iruñeko haur eskola bakarrean egongo da murgiltze eredua
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Hizkuntza gutxituak “biziberritzeko” modu bakarra murgiltze eredua dela esan dute Iruñeko Euskalgintza plataforma osatzen duten eragileek. Horregatik, Iruñeko auzo guztietako haur eskoletan murgiltze eredua ezartzeko eskatu diote udalari: “Murgiltze sistemari buruz egin diren ikerketek argi erakusten dute hizkuntza gutxituan murgilduta egoteak ikasleen elebitasuna edo eleaniztasuna bermatzen duela”. AEK eta IKA euskaltegiak, Sortzen, HE Gurasoak eta AET elkarteak, eta ELA, LAB eta Steilas sindikatuek hartu zuten parte, atzo, otsailaren 21ean, Laba elkartean egindako agerraldian.
Euskalgintzako kideek salatu dute duela 35 urteko egoera berean daudela. Izan ere, Iruñeko hamazazpi haur eskoletatik bakarrak dauka murgiltze eredua. Yolanda Barcinaren garaian bi haur eskola zeuden, eta 2015. urtean Joseba Asironek lau haur eskoletan ezarri zuen murgiltze eredua: Txantrean, Arrotxapean, Donibanen eta Arrosadian. 2019. urtean UPN itzuli zenean udal gobernura poliki-poliki eskaintza txikitzen joan zen murgiltze eredu bakarra ezarri arte.
Murgiltze eredu bakarra egon arren, haur eskola batzuetan eredu mistoa dago, eta euskara erdararekin edota ingelesarekin nahasten dute. Hala ere, behin baino gehiagotan salatu dute horrelako ereduetan euskara “zapalduta” eta “zokoratuta” geratzen dela. Horrekin batera, kontziliaziorako arazoak ere izan ohi dituzte beste auzo batzuetara joan behar izaten direlako.
Eskaeraren %80 plaza gabe iaz
Helburua lortzera bidean, EH Bildu, PSN, Geroa Bai eta Zurekin Nafarroa alderdietako kideekin mintzatu dira, eta euskarazko eskaintza zabaltzeko hiru auzo proposatu dizkiete: Mendillorri, Arrosadia eta Donibane. Horrez gain, haur eskola gehiago sortzeko “beharra” dagoela esan dute, iaz eskaeren %80 plazarik gabe geratu zirelako.
ARGIAn egindako elkarrizketa batean Asironek esan zuen ez dutela denborarik datorren ikasturtean aldaketak egiteko. Adierazpenengatik kezka adierazi dute euskalgintzako kideek: "Ez dira berri onak". Horrekin batera, udalak esandakoa “estu” jarraituko dutela esan dute. Izan ere, Asironek esan du euskara sustatzeko neurriak hartuko dituela: “Edozein kasutan, legealdi honetako gure helburua honakoa da: Iruñeko edozein auzotan euskaraz ikasi nahi duen haurrak horretarako aukera izatea. Hori lorpen izugarria litzateke”.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
