Iruñeko Arrotxapean atxilotutako sei gazteak libre utzi dituzte
Iruñeko Arrotxapea auzoan ostegun goizez atxilotutako sei gazteak libre utzi ditu Nafarroako Auzitegi Nagusiko epaileak ostiral goizez, behin-behinean eta kautela neurri barik. Hori bai, desordena publikoak, lesioak eragitea eta poliziari eraso egitea leporatu diete.
Arrotxapeko gaztetxea ixteko aginduaren ondorioz eman ziren istiluak atzo auzoan, polizia protestan ari ziren ehunka gazteri oldartu ondoren. Ostiral goizez gaztetxeko batzarraren izenean auzoan eman duten prentsaurrekoan azaldu dutenez, 50 gazte zauritu zituen Espainiako Poliziak, bat ospitalera bidaliz, eta 150 identifikaziotik gora egin zituen.
Gaztetxearen desalojoa eta poliziaren parte-hartzea salatzeko, batetik, eta gaztetxearen gisako espazioak defendatzeko bestetik, manifestazioa deitu dute hilaren 11rako, datorren larunbaterako: Maiteminduen plazatik aterako da, 18:00etan, Antolatzerik ez espaziorik gabe goiburupean. Gazteek adierazi dutenez, “espazioen benetako defentsa bermatzeko elkartasuna antolatu behar dugu, gero eta maila handiagoan. Desalojoen aurrean antolatzen jarraituko dugu instituzioen logikatik eta kontroletik kanpo”. Egungo gizarte kapitalista ere izan dute hizpide: “Honetan, espazioen erabilerarako legezko irizpidea poltsikoaren tamainak ezartzen du”.
Prentsaurrekoan azaldu dutenez, gaur bost urte bete dira gaztetxea okupatu zenetik. Atzoko desalojoaren ondoren, eraikina eraisten hasi ziren, eta Iruñeko Udalak jakinarazi duenez, etxebizitzak egingo dituztela bertan. Gazteek azpimarratu dute “halako espazioak beharrezkoak direla auzoan eta lehenago edo geroago izango dutela bat”.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.
Zestoako Gazte Asanbladak jakinarazi du Gaztetxea husteko prozedura judiziala martxan jarri duela berriz Gipuzkoako gotzaitegiak, negoziatzeko deiei entzungor eginda. Aurtengo otsailean birjabetu zuten Elizondo eraikina izandakoa Gazte Asanbladako kideek.
Ttatola gaztetxeko kidea Baionako epaitegian errudun jo dute. Epaiketa salatzeko mobilizazioa egin dute ostegunean, hilak 22, Hazparneko plazan.