“Iruñeko akordioak etorkizunerako bide bat zabaldu du Iruñeaz harago”
Nafarroako EH Bilduren koordinatzaile Miren Zabaletak "aurrerapauso historikotzat" jo du PSNren eta indar subiranistaren artean Iruñean lorturiko akordioa, Metropoli Forala saioan gaur egindako elkarrizketan.
Elkarrizketa osorik bideoan ikus-etzun daiteke Euskalerria irratiaren webgunean.
“Aurrerapauso historikoa”
Eskuin mediatiko eta politikoaren presioaren pean alderdi sozialista sendo ikusi du Zabaletak, eta aurrerapauso historiko baten aitzinean garela uste du: “Akordioa Iruñerako da, baina badauka balio politiko bat Iruñea gainditzen duena, islatzen duena posible dela instituzio guztietan gehiengo aurrerakoi horiek artikulatzea, eta hori ona dela Iruñean bizi garenontzat, Nafarroan bizi garenontzat. Etorkizunerako bide bat erakusten du”.
“Egindako bidearen ondorio logikoa”
EH Bilduren Nafarroako koordinatzaile nagusiaren arabera, Pedro Sanchezen gobernuaren eraketak prozesua azkartu bazuen ere, PSNren eta EH Bilduren arteko “akordioa bi indarrok elkarrekin egiten ari ziren bidearen ondorio logikoa da”. Akordio hori oso positibotzat jo du EH Bilduren Nafarroako koordinatzaileak, atzo, Euskalerria Irratian bertan, Koldo Martinezek esan bazuen ere Geroa Baik halako akordio posibilista lotuz gero sekulako egurra jasoko zukeela. “Pentsatzekoa da bakoitzak balioan jarri behar duela bakoitzak egiten duena, eta Koldok horri egiten ziola erreferentziak. Gure ustez, lotu dugun akordioak balio politiko handia du, orain arte ezinezkoak ziren elkar ulertze mailak ahalbideratzen dituelako”.
“Euskarari bide berriak ireki zaizkio”
Hizkuntza politikari dagokionez, PSNrekin adosturikoak bide berriak zabaltzen dituela gaineratu du Zabaletak: “Onartzen da euskara dela, gaztelaniarekin batera, Iruñeko hizkuntza bat, eskatzen duena aurreraurratsak, sustapena eta garapena. Zentzu horretan aukera handiak ematen ditu, eta ongi etorria izan dadila Iruñearen errealitate soziolinguistikoa onartuko duen akordio bat, orain arte ezinezkoa izan dena”.
“Krispazioaren argazkirik ez dute lortu”
Halaber, pozik eta harro azaldu da, abenduaren 28an ez zelako ikusi batzuek bilatzen zuten argazkia. “Ez zuten lortu Joseba Asiron eta gainontzeko indar aurrerakoiak krispazio horretan sartzerik, eta plazan ere ez zuten lortu beraiek hainbeste bilatu zuten konfrontazioaren argazki hori. Horren gainetik gailendu zena izan zen poza, Joseba Asiron berriro ere Iruñeko alkate delako, eta poza ere indar aurrerakoi guztien artean jendarteak eskatzen zuen akordioa lortu zelako”.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Bere burua 2027ko Frantziako Estatuko presidentzialetako garaile gisa irudikatzen duena –Marine Le Pen– gogorki zigortu du Parisko Auzitegi Korrekzionalak, lau urteko kartzela-zigorra, 100.000 euroko isuna eta batez ere, bost urtez aurkezteko debekua bideratuta. Tonu... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]