Irunberriko Udalak ez du eraso sexisten aurkako kartela jarriko herrian, “ez delako beharrezkoa”
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren diskurtsoa "oso larria" da eta "gutxienekoa betetzeko ere ez dago prest", herriko talde feministatik ARGIAri azaldu diotenez.
Irunberriko Talde Independenteak urteak daramatza herrian gobernatzen eta EH Bildu dago oposizioan. Herriko mugimendu feministak mozioa aurkeztu zuen Udalean, herri sarreran kartela jartzeko aspaldiko aldarrikapena hizpide, baina ezetz erantzun du udal gobernuak. Tamalez, jarrerak ez ditu harritu: "Oso oinarrizko neurria izan arren balio sinboliko handikoa da, gobernatzen duen kolorea edozein dela ere herri askotan dagoena, baita gure inguruko herrietan ere, baina gutxienekoa betetzeko ere ez daude prest, eta ohiko jarrerarekin erantzun du".
Protokoloa ere ez omen da beharrezkoa
Adibidea jarri diote ARGIAri talde feministatik: festen bueltan, indarkeria matxistaren aurkako protokoloa ezarri nahi izan dute aurreko urteetan herriko hainbat eragilek, eta horri ere uko egin diote udal gobernutik, antzeko argudioak erabilita. Irunberriko Barraka eta Talde Feministak elkarlanean protokolo bat jarri zuten martxan, txosnagunean, baina hedapen eta ahalmen mugatua du. Azkenean, udal gobernuak bere protokoloa argitaratu du, aldebakarrez eta prozesuan beste inork parte hartu gabe.
"Indarkeria matxistaren larritasuna eta espezifikotasuna minimizatzen ditu"
Gobernatzen duen taldearen diskurtsoa oso larria dela nabarmendu dute talde feministatik, are gehiago herritarrak ordezkatzen dituen udal baten partetik. "Indarkeria matxistaren larritasuna eta espezifikotasuna minimizatzen ditu, eta egiturazko arazo baten ikusezintasuna eta isiltasuna betikotzen ditu". Gizartean oro har, eta Irunberrin zehazki, indarkeria matxistaren aurka oraindik lan asko dago egiteko, diote mugimendutik. Zorionez, Irunberriko eragileak oso aktiboak direla eta lan handia egiten ari direla adierazi digute, "baina horma bat dugu aurrean, traba trabaren atzetik".
Udalak ez du Palestinako genozidioa salatu nahi
Horma hori ez du soilik mugimendu feministak jasaten. EH Bilduk bigarren aldiz proposatu du Irunberriko Udalak elkartasuna adieraz diezaiola Palestinako herriari, Israel egiten ari den sarraskiaren aurrean. Udal ugarik onartu duen proposamen hau ere atzera bota du Rocío Monclús buru duen Talde Independenteak, egitasmoa ez dagokiola udal eremuari argudiatuta.
EH Bilduk salatu duenez, udal gobernuak atzera bota du Irunberriko euskararen aldeko taldeak, Zintzurrek, egindako eskaera ere. Herriko festetan udal espazio bat erabili nahi zuten haurrentzako euskarazko jardunak antolatzeko, besteak beste udalak euskarazko eskaintzarik ez duelako egiten. Erabilera hori ukatu egin diete ordea, Zintzurrek eskaturiko gunea festetan erabilgarri egon behar duela arrazoituta. "Irunberriko Talde Independentearen euskararen aurkako erabaki ugarietako bat gehiago da hau", salatu du oposizioko alderdiak.
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Bi akusatuek espetxe zigorra berreikusteko eskatu ostean, Felix Taberna presidenteorde lehenak adierazi du ez dagoela zigorra murrizteko baldintza juridikorik: "Zigorrak dauden bezala mantentzeko adinako larritasuna du delituak". Defentsaren abokatuak salatu du bi... [+]
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.