Iruña-Veleia afera argitzea eta ondarea ez suntsitzea eskatu dute Gasteizen
Iruña-Veleia auzia “behin betiko” argitzea eskatu dute martxoaren 30ean, Gasteizen egindako manifestazioan. Iruña-Veleia argitu, ez suntsitu plataformak aztarnategian egindako “txikizioak” salatu ditu eta Arabako Foru Aldundiaren ardura azpimarratu du.
Prentsa-oharrean, Iruña-Veleia auzia argitzeko eskatu diote Arabako Foru Aldundiari. Haien ustez, “oso erraza da” grafitoak benetakoak diren ala ez jakitea. Piezen lagin bat laborategi espezializatuetara bidaltzea eskatu dute, horrek argituko lukeelako afera. Foru Aldundiak eskari horri “behin eta berriz” uko egin diola diote, eta gehitu dute “zerbaitegatik" izango dela.
Auzia argitzeaz gain, ondarea suntsitzeari uztea eskatu dute. Prentsa-oharrean, 2009tik suntsiketak egin izana salatu dute: 2010ean, harresi kanpoaldean, EHUko Julio Nuñezek zuzentzen zuen taldeak 7.000 metro koadroko eremu bat suntsitu zuela; 2016an, “euskarazko grafito asko agertutako” 6. sektorea hondatu zutela; 2023tik gaur arte, Qark enpresak aztarnategiko hainbat lekutan “sekulako sarraskia” egin duela. Arabako Foru Aldundiari ekintzok babestea egotzi diote.
“Txikizioak” epaitegian salatu dituztela azpimarratu dute, bideoak eta argazkiak erakutsiz, eta erantzuna beti berdina izan dela: “Zuzen jardun dute arkeologoek”. Agintari, parlamentari, arkeologo eta kazetariei gertaerok jakinarazi dizkietela adierazi dute, eta ezentzunak eta ezikusiak sentitu direla.
Otsailean bost urte bete dira Iruña-Veleiako epaiketatik, baina oraindik hainbat pasarte ezezagunak dira.
11 urteko gurutze-bidea. Arabako Foru Aldundiak (AFA) kereila jarri zuenetik epaiketa burutzera 11 urte luze pasa ziren. Luzatzen den justizia ez dela justizia, dio... [+]
Martxoaren 30erako Iruña-Veleia martxan, SOS Iruña-Veleia eta Euskeraren jatorria elkarteek manifestaziora deitu dute, Aski da! Argitu, ez suntsitu lelopean. Azken bi urteetan "hondeatzaileak sistematikoki eremu arkeologiko oso aberatsak suntsitzeko modu... [+]
Urriaren 26an Iruña-Veleia Argitu, ez suntsitu jardunaldian Zenbat esku daude Iruña-Veleian aurkitutako ostraken testuetan? ponentzia aurkeztu zuen Joseba Lizeagak
“18 urte pasatu dira indusketan 400 bat grafito agertu zirenetik, 16 urte froga zientifikorik gabe Lurmen indusketa eremutik kaleratu zutenetik eta 4 urte gaia argitu barik epaiketa egin zenetik eta berdintsu jarraitzen dugula esan genezake: gaia argitu nahi genuenok... [+]
