IrtenBidetik eguna antolatu dute Lasarte-Orian askotariko alternatibak ikustarazteko
Ekainaren 22rako egun osoko egitaraua prestatu dute. Euskal Herrian dauden alternatibak ikustaraztea izango dute helburu. Elkarrekin hausnartu, konspiratu eta ekiteko dei egin dute antolatzaileek.
Albiste hau Topatu.eus-ek argitaratu du eta Creative Commons lizentziari esker ekarri dugu.
Alternatiben topaleku bihurtuko dute Lasarte-Oria ekainaren 22an. Egun osoko egitarauarekin antolatu dute lehen aldiz hainbat herritarrek IrtenBidetik AlternatiBATU eguna. Kapitalismo neoliberal basatiari Euskal Herrian eta sektore ezberdinetan ematen zaizkien alternatibak ikustaraztea eta sistemari "zirrikituak" eragitea izango dute helburu.
Eguna ibilbide gidatu batekin hasiko dute goizeko 9:30etan. Ibilbidean zehar elikadura burujabetzaz, etxebizitza edo hiri ereduaz hitz egiteko aukera izango dute bertaratutakoek, baita sektore horietan alternatiba diren tokiak bisitatzekoa ere. Bitartean, 10:00etatik aurrera gertuko produktuen azoka eta 12:30etan Goiener, Izarkom eta Koop57 kooperatiben hitzaldiak prestatu dituzte, guztia Oriarte institutuko Landaberri eraikinean.
Eguerdian bazkaltzeko aukera ere izango dute bertaratutakoek, eta arratsaldean mahai inguru berezia antolatu dute, "Kultur topalekuak baino gehiago" izenpean. Bertan izango dira Iruñeako Katakrak, Azpeitiako Kultur Mahaia, Gernikako Astra, Eltzea eta Aiaraldeko Ekintzen Faktoria proiektuetako kideak. Duo Du Portu taldearen kontzertuarekin emanen diote bukaera egunari.
Bidetik irtetea delako irtenbidea
Azken urteetan Euskal Herrian egon diren hainbat ekimenen bidetik dator IrtenBidetik AlternatiBATU eguna, Alternatiben Herria kasu, eta funtsean sistema kapitalista neoliberal heteropatriarkalak ezarritako bidetik ateratzeko alternatibak badaudela erakustea du helburu. Txakur Gorria sormen kolektiboak jarri dizkio hitzak ekimenari, eta hitzak ilustrazio bihurtuta beraiek izan dira IrtenBidetik AlternatiBATU egunaren kartelaren egileak. Jarraian testua osorik:
Bidea emanda datorkigun honetan badirudi beste aukerarik ez dagoela. Bide bakarra ikustera behartu gaituzte, bide-ertza hormez josi dute, eta ihesbideen aurrean itsu utzi gaituzte. Horma horietako batzuk fisikoak dira. Esaterako, herrialdeen artean eraiki dituztenak. Beste batzuk aldiz, ikustezinak dira. Gure buruetan eraiki dizkigute.
Jakin badakigu murru horiek ez direla guztiz zurrunak. Egoki begiratuz gero zartadurez ohar gaitezke. Jada, hainbat jende bide berriez jabetzen eta arrakala horietatik irteten ari dira. Gure nahia arraila horiek zabaldu eta, ahal bada, paretak eraistea da. Alegia, ametsetara bidea egitea.
Bide grisean itsutu ordez zirrikituetan begiak jarriz gero kolore ezberdinetako bideak ikus genitzake: gorriak, berdeak, horiak, moreak... Koloreak adina bide. Kolore horietako bakoitzak bide berri bat erakusten du eta koloreak euren artean nahasiz bideak nahieran margotu genitzake.
Horregatik, ekainaren 22an, Lasarte-Orian zein Euskal Herriko hainbat txokotan martxan dauden alternatibak ezagutzeko parada izango dugu. Kolorez betetako mundu berriak arnastuko ditugu. Elkarrekin hausnartu, konpiratu eta ekingo diogu.
Etorri gurekin, bidetik irtetea delako irtenbidea.
Alternatibetara batu, AlternatiBATU.
Nortasuna Sarean jardunaldien 10. edizioa egingo dute asteazken honetan Donostiako San Telmon, KomunikaziONA bideguruatzean izenburupean. Egungo komunikazio joerak aztertu eta "alternatiba osasuntsuagoak" topatzen saiatuko dira. Hainbat hizlari gonbidatu dituzte, euren... [+]
Gasteizko Eraman kooperatibak banaketa “era jasangarri eta etikoan” eginez bertako komertzioa bultzatzeko helburua du bere sorreratik, Arabako hiriburuan eta hango bizilagunengan pentsatuta. Hainbat ekimenetan parte hartzen du, horien artean ikasturte honetan egiten... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]