Osakidetzatik “irteera ordenatua” egingo du La Pau anbulantzia enpresak azaroaren 30ean
Enpresak 2020tik eskaintzen zituen anbulantzia zerbitzuak Bizkaian eta Araban, eta “Irtenbiderik egokiena” dela balioetsi du Jaurlaritzak. Osasun Sailak “kontratuak betetzen direla ziurtatzearren” jarraipen-batzorde bat sortuko duela iragarri du.
La Pau enpresak Arabako eta Bizkaiko anbulantzia zerbitzua eskaintzeari utziko dio azaroaren 30a baino lehen Osasun Sailak esleitu zizkion zerbitzuak ez betetzeagatik hainbat zehapen ezarri ondoren. Osasun Saileko Administrazio eta Finantzaketa sailburuorde Lorea Bilbaok onartu duenez, enpresa katalanak ez du Osakidetzarekin dituen kontratuekin jarraitzeko asmorik eta hala jakinarazi dio Jaurlaritzari azken bileretan.
Astearte arratsaldean Lorea Bilbao sailburuordeak Kataluniako enpresarekin egindako bilera ostean hartu du erabakia. “Aukera guztiak aztertu eta gero” Jaurlaritzak La Pau anbulantzia-enpresarekin azaroaren 30a baino lehen "irteera ordenatua” egin dezan adostu du. Ordura arte osasun-garraioaren asistentzia “inolako etenik gabe bermatuta” dagoela azaldu du Osasun Sailak, beste enpresa batek Bizkaiko eta Arabako anbulantzia-zerbitzuaren kudeaketa bere gain hartu arte, larrialdi-kontratu baten bidez.
Gobernuak “irtenbiderik egokiena” dela azaldu du, La Paurekin izandako gorabeheren aurrean “erdigunean eta lehentasun gisa jartzen ditu pazienteak eta enpresetako langileak, eta nola ez, batzuen eta besteen eskubideak”. Enpresak lan-baldintzekin eta osasun zerbitzu kaxkarrekin lotutako kritikak jaso izan ditu; nominak berandu ordaintzea, anbulantzietan ez langile eta ez material nahikorik edukitzea... Sindikatuek “hutsegite oso larritzat” hartu izan dute kontua.
Uztailetik hona Kataluniako enpresak “izandako akatsen arabera jokatu du Osasun Sailak”, “eskatutako baldintzak ez betetzeagatik” neurri administratibo zein ekonomikoak aplikatu izan dizkiola. Hala eta guztiz ere, Berriak jaso duenez, anbulantzien kontratua berriro eskaini zion Jaurlaritzak La Pau-ri: larrialdietako kontratua 147 milioi eurotan eta programatutakoa 135 milioitan esleituta. Osasun Sailak jarraipen-batzordea sortzea erabaki du, “kontratuak betetzen direla ziurtatzearren”.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azala ez da azaleko gaia, kanpoarekiko muga eta gure buruaren babesa baizik. Ordea, kosmetiko industrialak erabiliz gero, toxiko kimikoak barneratzen ditu gure gorputzak azaletik, eta dutxako zulotik behera joaten direnean, ura eta Lurra ere kutsatzen ditugu egunero. Eredu... [+]
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.