IRPHak gehiegizkoak diren ala ez erabakitzea, Espainiako Justiziaren esku
Europako Auzitegiak IRPHen gehiegikeria kasuak Espainiako auzitegiek epaitu behar dituztela ebatsi du. Kasuak banaka aztertu beharko dira, erosleak hipoteken klausulak ulertzeko gai ziren ala ez aztertzeko.
Hipoteka Maileguen Erreferentzia Indizea (IRPH) Euriborra besteko legezkoa den indizea da, baina horren aldean hazkunde handia izan zuena. Kaltetuek beren hipotekaren prezioaz gain 200 eta 300 euro gehiago inguru ordaintzen zituzten hilabetero. 18.000 eta 21.000 euro artean hipoteka osoan.
Salatzaileek gardentasun eza leporatu diete bankuei, hipoteka horien baldintzak ondo azalduak izan ez zirela, eta horregatik erosi zituztela argudiatuz. Europako Auzitegiaren epaiak atea ireki dio argudio horri, gardentasun ezaren argudioa posible dela esanez. Ez du, ordea, horren aldeko epairik eman; Espainiako justiziaren esku utzi du erabakia, kasu bakoitza aztertu eta berak ebatsi dezan gehiegikeria izan den ala ez.
Espainiako Estatuan 1,3 milioi kaltetu daude IRPHen aferagatik. Kasu bakoitza banan-banan aztertzeak justiziaren kolapsoa ekar dezake. Europako epaia anbiguo bezala definitu dute askok, maileguaren klausulek edonork ulertzeko bezalakoak izan behar dutela adierazi badu ere, ez du ebatsi maileguak ulergarriak baziren edo ez.
Azkenik, Espainiako auzitegiek zenbait kasutan gehiegikeriak izan direla ondorioztatzen badute, indizea legezko beste indize batengatik ordezkatzea proposatu du Europako Auzitegiak, hipoteka baliogabetzea badakar ere.
Bankuen partetik, igoera igarri dute burtsan epaia kaleratu eta gero. Gehiegikerien afera Espainiako Justiziaren esku uzteak ondorio positiboak izan ditzake bankuentzat, Auzitegi Gorenak bankuei eman baitzien arrazoia aurretiaz.
Kutxabankek 2.500 zor "toxiko" saldu dizkio Irlandako Zima Finances funts putreari, eta salerosketak EAEko hainbat familia kaltetu ditu; putre-funtsak demandak aurkez ditzake, eta etxegabetze prozesuak abiatu. Stop Kaleratzeak plataformak zazpi kasu identifikatu ditu... [+]
Gorenak aitortu du hainbat bezero ez zituztela behar bezala informatu indizearen gainean, baina indiziea bera legezkoa dela. Ebazpen hori medio, bankuak ezingo dira abusuengatik zigortu ahalko; asko jota, gardentasun falta leporatu ahalko zaie.
Espainiako Auzitegi Gorenak bigarren itzulian erabaki ondoren herritarrek ordaindu behar dutela hipoteken zerga, ezohiko prentsaurrekoa eman du Pedro Sánchez Espainiako presidenteak: dekretua aterako du Gobernuak, hipoteken zerga bankuek ordaindu dezaten. Sánchezek... [+]
Espainiako Auzitegi Gorenak epai polemikoa eman du hipoteken zergen inguruan: hasieran zera hori bankuek ordaindu behar zutela ebatzi ondoren, atzera egin du eta astearte honetan erabaki du herritarrek ordaindu beharko dutela. Nola eragingo du neurriak Hego Euskal Herrian?