“Irmo adierazi dute ez zutela Alarde Publikoko inongo kiderekin tertulia batean parte hartuko”
Irungo Alarde Tradizionalekoek ez dute parte hartu nahi izan Alarde Parekideko kide batekin, Onda Cero irratiak antolatutako tertulian, eta azkenean, tertulia horretatik kanpo utzi dute Alarde Parekideko Xabier Martinez, sare sozialetan salatu duenez. “Non dago herri honetako jaietan hainbeste errepikatu eta inposatu nahi den normaltasuna? Normaltasuna hau bada, nik ez dut normaltasun hau erosten”.
Martinez bera eta beste hiru gonbidatu zeuden tertuliara deituta: Pagoki elkarteko lehendakaria eta diruzaina, Alarde Tradizionaleko Komandantea eta aurten San Martzialgo zutoihala eramango duen gizona. Honela kontatu du pasartea Martinezek:
“Parte hartzea ideia ona zela pentsatzen nuen, pena haiek horrela ez pentsatzea eta gainera mespretxuz, agurtu eta begiratu egin gabe. Irmo adierazi dute ez zutela Alarde Publikoko inongo kiderekin tertulia batean parte hartuko eta nire erantzuna ere irmoa izan da, nik ez dut inolako arazorik tertulia bat aurrera eramateko. Zergatia? Eurek jakingo dute. Nik argi daukat.
Beraz, eurek euren tertulia izan dute, eta 30 minutu geroago, nik nirea. Paradoxa polita ezta? Eurek eurea, nik neurea. Ez al zaizue historia hau ezaguna egiten?
Non dago herri honetako jaietan hainbeste errepikatu eta inposatu nahi den normaltasuna? Normaltasuna hau bada, nik ez dut normaltasun hau erosten. Argi eta garbi utzi dute irundarrentzat hain garrantzitsuak diren egun hauetan, gu ez garela herriaren parte, eta horrekin bizi beharko dugu”.
Facebooken irakurri dezakezue idatzi osoa.
Alderdi politiko guztietako ordezkariek egin diote harrera Alarde Publikoari.
Antxon Jauregik 19 urte ditu eta kantinera izango da Irungo alarde parekidean. Maskulinitate eredu hegemonikoari aurre egin eta hainbat muga mental eta sozial apurtuko ditu Jauregik, genero rol markatua duen kantineraren paperean. “Nire ametsa izan da betidanik, baina ez... [+]
Miren Etxebeste Ahal Dugu-ko Irungo Udaleko Berdintasun zinegotziak eman die alarde parekidekoei bandera. Haatik, Irungo alkate Jose Antonio Santanok ez die harrera egin, emakumeak baztertzen dituen desfileari bakarrik bideratuz arreta.
Halaxe dirudi bukatu ez den eztabaidak. Zuri-beltzekoa. 1997ko ekainaren 30eko argazkia bezalaxe. Ordurako ondo sartua zegoen kolorea analogikoan, ez horrenbeste zenbait burutan. Efemeride honekin egin dut topo egutegian, urteurren borobila aurtengoa Irunen, eta aztarka hasi... [+]
Zigarro mentolatuak, Dire Straits taldea eta “dabuten” esaten zuen jendea iraganeko kontuak dira. Inork aldarrikatzen ez duen iragan batekoak. Bazkari familiar batean zure osaba inoiz martxosoak ekarriko ditu gogora eta horri esker jakingo duzu existitu zirela. Are,... [+]
Jendetza bildu zen asteazken arratsaldean Irungo San Juan plazan, Su Txikian elkarte feministak egindako deiari erantzunez. "Alarde bakarra eta feminista" nahi dutela aldarrikatu zuten bertaratutakoek.
Erabat militantzian bizi ziren garai batean; lan ordaindua eta militantzia denborak bereizi zituzten ondoren beren egunerokoan; eta ama egin zirenean... beren lanbidea sortzeari ekin zioten, ordura arte militantziaz landu izan zuten feminismoa lan ordutan egin ahal izateko. Zer... [+]
Irugo alarde parekidearen aldeko borrokaren 25. urtemuga gogoratzeko "historiaren paseo" interaktiboa sortu du Parean elkarteak, 25 urtez zapiak lotuz ekimenaren barruan. Horrez gain kalean bertan ere egingo dute paseo hori hilak 19an, Mertxe Tranche historialariak... [+]
"Koronabirusak eragin duen osasun krisia" dela eta, ekainaren 30ean egitekoa zen Irungo alarde parekidea bertan behera utzi dute.
21. aldiz irten da alarde parekidea Irungo kaleetan zehar, San Martzialetan. Orain arteko parte-hartze handiena izan dute aurten konpainia parekideek, 1.800 pertsona. Herritarrek txalo artean hartu dituzten bitartean, Irungo alkateak eta Gipuzkoako ahaldun nagusiak ez diote... [+]
Aitorrek 13 urte ditu, “luma” dauka eta bullying homofobikoa jasan du ikastetxean, baina genero arauak zorrotz bete ordez, iseken jomuga izan daitekeela jakin arren, Irungo jaien aurretik ikasleek eskolan egiten duten Alardean kantinera izatea hautatu du... [+]
Irun eta Hondarribiko Alardeekin aski surik ez, nonbait, eta hara non bota nahi diogun gasolina gainera: batetik, "San Martzialgo Guduaren V. mendeurrena" fundazioa sortzearekin; eta, bestetik, Loiolan kuarteleratutako Tercio Viejo de Sicilia izeneko 67. zenbakidun... [+]
Irungo Brontë liburu-dendan bildu gara Mertxe Trancherekin. Non bestela? Liburuak ditu Tranchek pasio eta bizibide; denetik egin omen du horiekin: irakurri, saldu, ordenatu, idatzi, tailerrak gidatu… Beraz, elkarrizketa honetan, literaturaz aritu gara ezinbestean... [+]
Esango dizute jaia bizitzeko bi modu daudela Irungo argazki honetan, baina ez da egia.