Irlandako Ostiral Santuko Akordioa erreferentzia gisa PSOE-Junts negoziazioetan
Aspaldi ari dira negoziatzen PSOE eta Junts inbestidura saiorako azken honen sostengua. Sukalde lanetan, 1998an Irlandako iparraldeko gatazka bideratzeko garatu zen Ostiral Santuko Akordioa atera da mahai gainera, El Diario-k ostegun honetan agertzen duenaren arabera.
Datorren astean, irailaren 27an egingo da lehen inbestidura saioa Espainiako Kongresuan. Espainiako Erregeak Alberto Nuñez Feijóo PPko buruzagiari eman zion horretarako enkargua, eta lau botoren faltan porrot egingo badu ere, horrek hauteskunde berriak egiteko erlojua martxan jarriko du. Azaroaren 26rako Espainiako Gobernua eratzeko akordiorik ez balego, hauteskunde berriak deitu beharko lirateke.
Aipatu egunkariaren arabera, Juntsek ez luke nahi 1996an Convergenciak eta PPk sinatu zuten Magestic Akordioaren gisako bat. Jordi Pujolek eta José María Aznarrek sinatutako hitzarmen haren arabera, Convergenciak PPren gobernua sostengatu zuen finantzazio itun bat eta hainbat transferentziaren truke. Carles Puigdemontek zuzenean daraman negoziazio honen fruitu politikoetako batzuk oso epe motzekoak lirateke, eta beste batzuk, aldiz, ertain-luzekoak.
Epe motzekoa da, eta ez zailtasun gutxikoa, amnistiaren bueltan akordioa lortzea. Eta epe luzekoa litzateke, akordioren batera iristea autodeterminazioari begira. Alde horretatik litzateke interesgarria Ipar Irlandara luzatutako begirada hori. Irlandan akordio ugari sinatu ziren, baina baziren etorkizuneko bizikidetzarako oinarrizko hiru printzipio nagusi: bat, su-etenarekiko konpromisoa mantentzen zuten erakunde armatuetako kide presoen askatasuna; bi, Stormonteko Legebiltzarra abian jartzea eta gobernantzarako protestante eta errepublikarren arteko botere banaketa orekatua; eta hiru, Ipar Irlandako herritarrei onartzen zitzaien beren etorkizunaz erabakitzeko eskubidea, eta horretarako, bertako erakundeek hala eskatuz gero, eta Erresuma Batuko Gobernuarekin adostuta, zegokion kontsulta egiteko aukera.
Amnistiari dagokionez, bi aldeetako juristak ari ei dira prestatzen Espainiako Auzitegi Konstituzionalak atzera bota ezingo lukeen lege-proiektuaren testua. Oso gai arantzatsua da Espainian, baina aditu askok sarri azpimarratzen dute ez litzatekeela zailena. Dagoeneko, Pedro Sánchezek New Yorketik egindako adierazpenak norabide horretan doazela interpretatu da, esan duenean berak beti defendatu duela Kataluniakoaren moduko prozesu politiko batek ez zuela bukatu behar judizializazioan.
Bitartekaria
Amnistiaren gaian, lege-proiektua inbestiduraren aurretik bideratua utzi nahi du Juntsek, baina PSOErentzat hori ezinezkoa da, bai epeengatik bai formengatik ere. Akordioa lotuta utzita, PSOEk inbestidura ondorengorako utziko luke legearen bideratzea. Juntsek, aldiz, hori bakarrik onartuko luke biek adostutako bitartekariaren aurrean PSOEk legea ateratzeko data zehatz bat onartuko balu.
Negoziazio horien guztien itzalean dago, halaber, Junts eta ERCren arteko lehia. Asteartean ERCko buruzagi Oriol Junquerasek amnistiarena hitzartuta zegoela aipatu zuen Diputatuen Kongresuan, eta eskuin politiko eta mediatikoak hala eskatu badio ere, PSOEk ez du oraindik ezeztatu Junquerasek esandakoa. Amnistiaren negoziazioetan ERC malguagoa ei litzateke Junts baino, eta prest dago amnistiaren egutegi bat adosteko, bestelako baldintzarik jarri barik. Neus Tomás kazetariak aipatu ditu negoziazio kontuok El Diario-n.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).