Iratxe Sorzabal preso politikoaren absoluzioa eskatu dute Irunen
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Kontzentrazioaren amaieran irakurritako testua:
Datorren ostegunean Iratxe Sorzabal Diaz Irungo euskal preso politikoaren aurkako epaiketa berri bat abiatuko da Madrilgo Auzitegi Nazionalean, martxoan egingo dioten beste bigarren epaiketa batez jarraipena emanez.
Berriz ere Iratxek, aurre egin beharko dio sekula guztiz sendatu ez den zaurian ziztada berriak bizitzera, berriz ere torturaren errealitate gordina bere gorputzaren barren barrenetik sentitu eta zauriak enegarren aldiz irekitzera, guztia nola ez Madrilgo Audientzia Nazionalean. Guzti hau nola ez, espainiar estatuan torturak duen zigorgabetasunaren lekuko izango delarik.
Iratxe 2001eko martxoaren 30ean atxilotu zuen Guardia Zibilak Hernanin, eta haien esku pasatu zituen bost egun luze haietan bortizki torturatu zuten. Epaileak, baina, Iratxeren salaketei entzungor egin eta Soto del Real espetxera bidali zuen.
Garai hartan Iratxeren kasuak hautsak harrotu zituela oroitu beharra daukagu, non Jaurlaritzak berak argibideak eskatu zizkion Espainiako Gobernuari eta Eusko Jaurlaritzaren Justizia Sailak ikerketa abiatu zuen.
Edonola ere, Iratxek jarritako salaketak ibilbide laburra izan zuen epaitegietan.
Oraingo epaiketa honetan ere, bere aurkako froga bakarra komisarian torturapean egindako autoinkulpazioa izango da.
Honetan ere gogoratu behar da,lratxe frantses espetxe batean zegoela, defentsak hala eskatuta eta fiskaltzaren onarpenarekin, Iratxeri Istanbuleko protokoloa aplikatu ziotela.
Auzi mediku frantsesaren ondorioak argiak izan ziren: “Iratxeren kontakizunak sinesgarritasun osoa du eta torturen ondorioz estres post-traumatikoa du”.
Aurrekari hauekin, berriz ere, datorren astean Madrilgo Auzitegi Nazionalean epaituko dute (atzo eta, euskal militante askorekin gertatu izan den bezala, torturapean lortutako autoinkulpazioetan oinarrituta zigor berri bat ezarri diezaiokete).
Hau guztia gainera, Euskal Herriko Torturatuen Sarea publiko egin den testuinguruan, eta dagoeneko euskal jendartean gero eta onartuagoa dagoen baieztapenaren baitan, hau da, Espainiako Estatuak tortura sistematikoki erabili izan duela hamarkada luze hauetan tresna politiko gisa.
Guzti honek oraindik agerian uzten du,Espainiako Estatuak mendeku-politika erabiltzen jarraitzen duela, gatazka politikoa konpontzeko inolako prestutasunik gabe.
Mendekuak ez dakar bakerik. Alderantziz, Euskal Herriarentzat bake eta elkarbizitza demokratikoan oinarritutako agertoki berri bat nahi badugu, preso politikoen auziari irtenbidea ematea premiazkoa da. Horregatik, ez du inolako zentzurik kartzetan euskal preso politikoak mantentzeko estrategiarekin jarraitzea.
Ukaezina da azken urteetan gatazkaren ondorioei konponbidea emateko ahaleginean izugarri aurreratu dugula, baina presoak dauden artean, gatazkaren oinarrian dagoen arazo politikoa konpontzea zailtzen da, irtenbide politiko eta demokratiko oro zapuztuz.
Espainiako Estatuak ederki daki hori eta, presoak ez ezik, euskal jendartea ere gatibu du kartzelak husten ez diren bitartean.
Bada garaia espetxeak hustu, preso, iheslari eta deportatu politikorik gabeko Euskal Herria errealitatea bihurtu eta gatazkari aterabide politiko eta demokratikoa aurkitzeko.
Bukatzeko, besarkada bandi bana bidali nahi diegu Iratxe Sorzabal Diazi, bere senideei eta herri honetan torturatuak izan diren lagun-senide eta pertsona guztiei.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]