‘Irati’ pelikula EiTBren Primeran plataformara heldu da
Euskarazko film batek inoiz zineman izan duen ikusle kopururik handiena du Irati filmak: 160.000 pertsona.
.jpg)
Doan ikusi ahal da orain Irati filma, urte eta erdi Amazon multinazionalaren plataforma digitalean egon ondotik. EiTBren Primeran plataforman, dena den, erregistratzea nahitaezkoa da.
VIII. mendean girotua dago pelikula. Kristautasuna Europan hedatzen hasia da eta sinesmen paganoak desagertzen; erdibide horretan, Iratiko basoan, odolezko itun bat gertatuko da: haraneko buruzagiak antzinako jainkosa bati laguntza eskatuko dio, eta horrek, bueltan, etsaia garaituko du, trukean bere bizia emanez.
Paul Urkijok zuzendu eta Eneko Sagardoy eta Edurne Azkarate aktoreak ditu protagonista Irati pelikulak. ARGIAn azala eskaini genion, eta Azkarate eta Urkijo elkarrizketatu genituen. Baita Gorka Lazkano ere: euskara egokitu du pelikularako, VIII. mendera, hizkuntzaz ezertxo ere jasota ez zegoen garai batera.
Paul Urkijo, Gaua prestatzen
Sitgeseko zinema jaialdian aurkeztu du proiektua Urkijo zinegile arabarrak: Gaua.
XVII. mendean egongo da girotua, eta Irati-ren eta Errementari-ren antzera, fantasiaren eta errealitate historikoaren artean murgilduko da, zehazki, euskal mitologiaren gaueko munduan. Sorgin-ehiza kontatuko du. Kattalin izango da protagonista. Baserritik irtengo da gau batez, senarrarengandik ihesi. Baso ilunean galduko da, eta atzetik zerbait daukala igarriko du. Bide horretan hiru emakume maitagarri topatuko ditu, arropa garbitzen ari direla, ipuinak eta esamesak kontatzen.
2025aren hasieran abiatuko dituzte filmatze lanak, Euskal Herriko hainbat tokitan.
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
Euskal herritar ugari saritu ditu Espainiako zine akademiak pasa den asteburuan banatu diren Goya sarietan. Artikuluaren bigarren partean, zeresana eman duten hainbat kontu aletuko ditugu.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
