Irati gurasoekin eta Euskal Herrian nahi dutela aldarrikatu dute Bilbon
Bi urteko Irati motxiladun haurraren aldeko mobilizazioa antolatu zuen Irati Gurasoekin Euskal Herrira ekimenak larunbatean Bilbon. Aranjuezeko espetxean bizi da Irati, bere bi gurasoekin. Familia osoa Arabako Zaballa espetxera ekartzea eskatu dute.
Ekitaldian Irati haurraren eta haien gurasoen egoera azaldu zuten antolatzaileek. Euskal Herritik ehunka kilometrora bizi dira hirurak, Aranjuezeko kartzelan, sakabanaketak dakartzan arrisku eta eragozpen guztiekin –gastu ekonomikoa, inguru hurbilarekiko urruntzea, errepidean istripuak izateko arriskua...–. Koronabirusak presoen baldintzak oro har okertu dituela salatu dute, eta Iratiri eta beren senideei kalte berezia ekarri ziela. Konfinamendua ezartzen aiton-amonekin zegoen Irati, espetxetik kanpo, eta segurtasun neurriak direla eta, bi hilabetez egon da gurasoengandik urrun. Orain berriz ere elkarrekin daude hiruak. Martxoaren 2021ean, ordea, hiru urte beteko ditu haurrak: legearen arabera adin horrekin gurasoengandik banandu eta espetxetik kanporatu behar dira haurrak.
Irati Gurasoekin Euskal Herrira ekimenetik, gaurdanik Irati eta gurasoak Zaballako kartzelara hurbiltzea aldarrikatu zuten. Arabako espetxea moldatzea eskatu zuten ere, modulu mistoa zabalduz besteak beste, haurren zein gurasoen eskubideak bermatu daitezen.
100 motxiladun haur baino gehiago
Euskal preso politikoen 100 seme-alaba baino gehiagok dute gurasoetako bat kartzelan, eta hamabost dira biak espetxeratuak dituztenak. Ekitaldian haur horiek aitak edota amak ikusteko ehunka kilometro bidaiatu behar dituztela salatu zuten, sakabanaketaren amaiera exijituz. Ekitaldian Onintza Enbeita bertsolariak, Ane Zabala aktoreak edo Porrotx pailazoak hartu zuten parte, besteak beste.
Porrotxek Onditz Euskal Irrira ekimena izan zuen hizpide, 20 urte direla abiatutako ekimen herritarra Onditz haurra eta bere ama presoa Euskal Herriratu zitzaten. Hainbeste urteren ondoren bidegabekeria batzuk ez direla aldatu azpimarratu zuen pailazoak, eta horien aurka borrokatzera deitu zituen bertaratutakoak: “Euskal presoak etxean behar ditugu orain. Hortzak erakutsi behar ditugu, irri egiteko. Irria eta borroka uztartuz bultzada eman behar diegu giza eskubideei”.
Motxiladun haurra izango da Izadi, Maria Lizarraga eta Iñigo Gutierrez euskal presoen alaba. Igandean bete ditu hiru urte, eta legeak hala dioenez, Aranjuezeko espetxetik atera dute urtemuga egunean, amagandik banatuta. Aitarekin elkartu da, Gutierrez ostiralean aske utzi... [+]
Domekan, hilaren 23an, Iñigo Gutierrez (Algorta) eta Maria Lizarraga (Burlata) presoen alaba den Izadik hiru urte beteko ditu eta, ondorioz, gurasoengandik banatzera behartuko dute. Hori salatzeko, Izadi Gurasoekin Etxera ekimenak manifestazioa egingo du Algortan, Txiki... [+]
Martxoaren 20an ekitaldi bateratua antolatu zuten Bilbon Irati Gurasoekin Euskal Herrira ekimenak eta Sarek. Umeek haien guraso presoekin Euskal Herrian egoteko aukera izan dezaten aldarrikatu dute.
Madrilen preso dauden Bea Etxebarria eta Iñigo Zapirain euskal preso politikoen alaba da Irati. Iratiren gurasoak Euskal Herriko espetxeetara ekartzea eskatu du Sarek.
Jira eta Bira Irati gurasoekin Euskal Herrira kalejira burutu da larunbat honetan Bilbon, Arriaga Plazatik Areatzara. Zaballako espetxean familientzako modulu misto bat edo zaintzapeko pisu bat prestatzea eskatu da, Irati haurrak bere gurasoekin bizitzeko aukera izan dezan.
Mobilizazioak deitu dituzte abenduaren 19tik 26ra Hego Euskal Herriko lau hiriburuetan. Horrez gain, kartzeletara martxak ere egingo dira.
Euskal presoen seme-alabek urte erdia aita, ama edo biak ikusi gabe daramatela salatu du Sarek. Ia 100 motxiladun haur eta nerabe daude Euskal Herrian: “Zein agintari, politikari, epaile edo herritarrek onartuko luke seme-alabak ikusi eta besarkatu gabe hainbeste hilabete... [+]
X Xua da. Xua Lasagabaster Uranga.
X Olatz da. Olatz Lasagabaster Anza. Amatxo.
X Patxi da. Patxi Uranga Salbide. Aitatxo.
X Mari Karmen da. Mari Karmen Anza Suberbiola. Amona Mari Karmen.
X Usurbil da. Orio da. Zarautz da. Euskal Herria.
X Picassenteko espetxea da... [+]
Sarek eta Xua Gurasoekin Etxera herri ekimenak antolatuta, "Motxilak gora!" ikuskizun jendetsua ospatu da igande goizean, Donostiako Atano frontoian. Aske behar zuten arren, gurasoak gugandik 600 kilometrora, Valentziako Picassenteko espetxean dituen Xua Lasagabaster... [+]
Motxiladun haurren testigantzak eta datuak grafikoki agertu ditu Exprai artista nafarrak ‘Motxila etorkizunez bete’ erakusketan.