Irantzu Idoate Funosasek irabazi du Euskal Herriko Eskolarteko txapela
Ekainaren 18an Iurretan jokatu zen aurtengo Eskolarteko Txapelketa. 180 entzule inguru elkartu ziren Euskal Herri osoko 14-18 urte arteko hamabi bertsolari gazteak entzutera. Hazparneko Irantzu Idoate Funosas izan da txapelduna eta Maddi Agirre gasteiztarra txapeldunordea.
Hamabi bertsolari hauek aritu ziren kantuan, lehendik nor bere lurraldeko txapelketan nabarmendu ostean: Arabatik Maddi Agirre (txapelduna) eta Danel Herrarte (txapeldunordea); Gipuzkoatik June Aiestaran (txapelduna) eta Jon Mendiluze (txapeldunordea); Bizkaitik Izaro Bilbao (txapelduna) eta June Diaz (txapeldunordea); Nafarroatik Beñat Astiz (txapelduna) eta Eki Mateorena (txapeldunordea); eta Xilabatik Haira Aizpurua (txapelduna) eta Irantzu Idoate (txapeldunordea).
Saio osoa egin zuten sei bertsolariak
Hamabi gazteek saioari hasiera emanik, bigarren zatira sailkatu ziren erdiak: Haira Aizpurua, Irantzu Idoate, Jon Mendiluze, June Aiestaran, June Diaz eta Maddi Agirre. Azkenik, Irantzu Idoatek lortu du 2022ko Euskal Herriko Eskolarteko txapela eta Maddi Agirre izan da txapeldunorde. Unai Iturriaga bertsolariak jantzi dio garaikurra txapeldunari.
Hemen ikusentzun daiteke Irantzu Idoate txapeldunaren agurra:
Gaur frogatu da zazpi xokoak
bat eta bera direla
gaur bai duela Euskal Herriak
soinean jarri txapela
kantuz entzun da bihotz mindua,
buru hotz, begi umela
oraindik segi beharko dugu
gaur arte egin bezela
gure oihuek bertso doinutan
lekua har dezatela.
34. aldia izan du Eskolartekoak
Ikastolen Elkarteak eta Bertsozale Elkarteak elkarlanean antolatzen dute Eskolarteko Txapelketa. Antolatzaileek adierazi dutenez, aurten Iurretako udalaren laguntza ere izan dute.
"14 eta 18 urte bitarteko gazteei jendaurrean bertsotan aritzeko plaza eskaintzea eta zaletasuna bultzatzea du helburu Eskolartekoak. Gainera, tokian tokiko ezaugarriak kontuan hartuta, bestelako ekintzak ere egiten dira bat-bateko txapelketaz gain: idatzizko txapelketa edota adin txikiagoentzako lehiarik gabeko topaketa, adibidez", adierazi du Bertsozale Elkarteak.
Ekainaren 24an Abadiñoko probalekuan jokatu da 2021eko Euskal Herriko Eskolartekoa. Bakoitza bere lurraldeko txapelketan nabamendu ostean, hamaika bertsolarik hartu dute parte Euskal Herrikoan. Euskalki anitzetan animoak emanaz, 230 entzule izan dituzte aurrean.
Euskal Herri osoko 13 parte-hartzaile elkartu dira Sarako trinketean. Irati Alcantarilla Urdanpilleta da 2019ko Eskolartekoaren txapelduna eta Aner Peritz Manterola "Euzkitze" txapeldunordea. Aitor Sarasuaren sendiaren izenean Maddi Sarasuak jantzi dio txapela... [+]
Euskal Herriko 15 eta 18 urte arteko eskolarteko bertsolari txapelketako finala izanen da larunbatean, Sarako trinketean –Ipar Euskal Herritik bost gaztek parte hartuko dute–.
Aroa Arrizubieta Barredo (Gasteiz, 2001) izan da bertsotan Euskal Herriko txapela jantzi duen lehen arabarra. Saran jantzi zuen Eskolarteko txapela ekainaren 10ean, Amets Arzallus txapeldun nagusiaren eskutik. Arrizubietarekin eta bertso eskolako irakasle Oier Arbina... [+]
Aroa Arrizubieta (Gasteiz, 2001) nagusitu zen ekainaren 10ean Saran jokatu zen Euskal Herriko Eskolarteko 34. Txapelketan. Joanes Illarregi leitzarra izan da txapeldunorde. 200 lagun inguru hurbildu ziren finala jarraitzera.