“Arlo askotan aurrekaria izan zen Julia Fernandez Zabaleta, nortasun handiko emakumea”
Julia Fernandez Zabaleta emakume aitzindariaren bizitza ezagutzera ematen duen pastorala larunbatean estreinatuko da, San Frantzisko eskolako jolastokian.
Larunbat honetan estreinatuko da Julia Fernandez Zabaleta pastorala. Zaldiko Maldiko elkarteak sortu du obra eta dagoeneko prest daude arizale, musikari eta partaide guztiak. Emanaldia 17:00etan izanen da, non eta San Frantzisko eskolako jolastokian, hau da, Fernandez Zabaleta irakasle izan zen ikastetxean bertan. Maiatzaren 12an eginen dute bigarrenez, 11:00etan eta toki berean. Bi emanaldietarako sarrera guztiak agortuta daude jada.
Mikel Tabernak eta Ihitz Iriartek lanaren idazketa nagusia egin badute ere, auzolanean sortutako obra da Julia Fernandez Zabaleta, hain zuzen, paper protagonista egiten duen Irantzu Fernandez Saenz de Murietak eta arizale lanetan arituko den Belen Ausejok nabarmendu bezala. Denetara, 50 pertsonak baino gehiagok parte hartu dute pastoralean, hezkuntzan, euskararen arloan zein feminismoan aurrekari izandako iruindar alaba hau ezagutzera ematea helburu duena. "Harrigarria iruditzen zait horrelako pertsonaia bat hain ezezaguna izatea jendartean", azpimarratu du Fernandezek. "Nortasun handiko emakumea izan zen, aurrekaria arlo askotan".
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Aurtengo urtea emankorra izango da pastoralei dagokionez, lau pastoral emango baitira; bi Zuberoan eta beste bi Zuberoatik kanpo: Iruñean (Nafarroa) eta Xarneguko (Lapurdi-Nafarroa Beherea) zonaldean. Gure herriko lau historia ezagutaraziko dira oholtzan antzerki,... [+]
Urriaren 15ean eta 16an izango dira emanaldiak, Zugarramurdiko leizeetan; Xareta eskualdean lehenengoz egingo da pastorala.
Erabakita dute zuberotarrek datozen hamar urtetako pastoralak eta hiru urtetako maskaradak zein herrik emango dituzten, eta zerrenda luzatzen doa urtetik urtera. Hilabete honetan gehitu dira, adibidez, Lakarri-Altzaiko herritarrak. Martxoaren hasieran Xiberoko Boza Irratian... [+]
Muskildin hasiak dira Battitte Berrogain urdiñarbetarrak idatziritako pastorala prestatzen. Hiru emanaldi ukanen dituzte: uztailaren 24an eta 31n eta abuztuaren 6an.