Berritzeguneetako lanposturako proba gaztelaniaz egin ahal izango da, deialdia aldatu baitu Jaurlaritzak
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada euskaraz egingo da”. Alegia, erdaraz egin ahalko dutela aurkezpena, irakasleen eta ikastetxeen aholkularitzaz, prestakuntzaz eta berrikuntzaz arduratzen diren Berritzeguneetan lanpostua lortzeko.
Iaz hautagaiei ahozko azalpena euskaraz eskatzea eta aurten “ahal bada” euskaraz egin dezatela jasotzea oso esanguratsua da: euskaraz egoki mintzatzen diren hautagaiekin batera lehiatuko dira aurkezpena erdaraz egitea aukeratuko dutenak –euskaraz ez direlako ongi moldatzen, pentsatzekoa denez–, zer eta hezkuntzaren, irakasleen eta ikastetxeen zerbitzura dauden lanpostuetarako. Alegia, deialdian ez da bermatuko hautagaia euskaraz egoki mintzatzeko gai dela. Zertara dator atzera egite hau? Zein rol ematen dio euskarari? Zergatik erabaki du Jaurlaritzak, aurreko deialditik hona, ez dagoela zertan mantendu proba euskaraz baino ez egitea? Zein irakasle/hautagai profil du buruan Jaurlaritzak?
Deialdira aurkezten diren irakasleek merituak zehaztuko dituzte eskaeran eta proposamen bat aurkeztu beharko dute. Proposamen horren ahozko defentsa da aldatu dutena.
"Berritzeguneetan aritzen direnen euskarazko hizkuntz gaitasun egokia neurtzeko, zer egokiagorik norbere lan gaitasunak euskaraz azaltzea baino"
“Atzerapauso bat ikusten dugu ñabardura horretan”
Idurre Eskisabel Euskalgintzaren Kontseiluko idazkari nagusiari galdetuta, lanpostu horietan euskarazko hizkuntz gaitasuna "ezinbestekoa" dela erantzun dio ARGIAri: "Berritzeguneak dira ikastetxeek eta irakasleek dituzten aholkularitza gune garrantzitsuenak, Euskal Autonomia Erkidegoan. Berritzeguneen funtzioetara bagoaz, besteak beste alor didaktikoko edo hizkuntza normalizazioko aholkularitza egitea dago euren gain, baita Hezkuntza, Hizkuntza Politikak eta Kultura sailak sustatzen dituen hezkuntza berrikuntzen lehentasunezko ildoei buruzko aholkularitza; prestakuntza arloa ere oso lotuta dago Berritzeguneekin (premiak non dauden sumatzeko, prestakuntza bera eskaintzeko), eta uste dugu Berritzeguneetan aritzen direnek euskarazko hizkuntz gaitasun egokia ezinbestekoa dutela, zerbitzu horiek behar bezala betetzeko. Hori neurtzeko, zer egokiagorik norbere lan gaitasunak euskaraz azaltzea baino".
Eskisabelen hitzetan, "administrazioa euskalduntzeko proposamenean, Kontseiluak jasotzen du hainbat ebaluazio proba euskaraz egitea, berme handia delako, eta beraz, atzerapauso bat ikusten dugu ñabardura horretan, egitetik egin ahal izateko beheranzko jauzitxo horretan".
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
Naziometroaren arabera herritarren %56k uste du arreta euskaraz jasotzeko aukera izatea eskubide bat izan beharko litzatekeela; eta %32,5ak uste du ezetz.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.
Gipuzkoako Foru Aldundiaren Uliazpi Fundazioan 34 zaintzaile plaza betetzeko oposizioetan euskara eskatzea zilegi zela eta ez zela diskriminatzailea ebatzi zuen iaz Donostiako epaitegiak. Orain ebazpen hori bertan behera utzi du EAEko Auzitegi Nagusiak, langile publiko hauei... [+]
Ana María Martínez epaileak irailean ebatzi zuen udaltzainek ez dutela zertan B2 euskara maila ziurtatu; orain epaia berretsi eta bi hilabeteko epea eman du berriro onartzeko hizkuntza eskakizunagatik 2021ean Arkautiko lan poltsatik kanpo gelditu zirenak. Irailean... [+]
UGT sindikatuaren helegitea onartu eta epaia berretsi du Gasteizko Administrazio Auzitegiak: udaltzainek ez dute gutxieneko euskara mailarik egiaztatu beharko. Bi hilabete eman dizkio auzitegiak Arkautiko Polizia akademiari lan poltsatik kanpo gelditu zirenak berriro onartzeko.
Hizkuntza-Eskubideen Behatokiak salatu du zerbitzu publikoak euskaraz jaso ahal izatea oinarrizko eskubide kolektiboa dela, eta larritzat jo du EAEko Auzitegi Nagusiak galarazi izana Barakaldoko Udalak zerbitzu publikoetako euskara eskatzea. Bestalde, Barakaldoko Sasiburu... [+]
Helegitea jartzea eskatu dio Euskalgintzaren Kontseiluak, epaia udal legediaren aurka doala iritzita.