Irakasle baten klaseetatik seme-alabak ateratzea erabaki dute Atarrabian: “Izuak jota ditu haurrak”
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko bozeramailearekin hitz egin du ARGIAk.
Behin baino gehiagotan salatu du egoera Atargi eskola publikoko Idoskia guraso elkarteak, eta ikasleen testigantza batzuk ere bidali dituzte Hezkuntza Departamendura. Lekukotza horien arabera, garrasika hitz egiten die irakasleak Lehen Hezkuntzako haurrei, paretari begira jartzen ditu, zailtasun akademikoak dituztenak lagundu beharrean denen aurrean umiliatzen edo lotsarazten ditu, edo errieta egiten die beste batzuk baino geldoagoak direlako, zeinen gaizki ari diren errepikatzen die, mehatxuka hitz egiten die, hainbatek ikarak blokeatuta eta negarrari ezin eutsirik igarotzen du ikasturtea, ondoko ikasgelako haur batzuek diote pasillotik igarotzean beldurtu egiten direla haren oihuekin…
Emakume hau irakasle egokitzen zaien ume askok ez dutela eskolara joan nahi eta ondorio emozional eta psikologiko esanguratsuak jasan dituztela diote gurasoek, psikologoa ere behar izan dutela batzuek. “Ez da irakasle gogor bat, haratago doa”, adierazi dio ARGIAri Mikel Borda guraso elkarteko bozeramaileak.
Testigantzen arabera, zailtasun akademikoak dituztenak denen aurrean umiliatzen edo lotsarazten ditu, edo errieta egiten die beste batzuk baino geldoagoak direlako
Zer dio ikastetxeak?
Kontatu digunez, duela zortzi urte iritsi zen ikastetxera irakaslea, eta kasik hasieratik izan dute harekin arazoa. Gurasoek ate bat baino gehiago jo dute ordutik. Ikastetxeko zuzendaritzak, familien presioa tarteko, tutoretzetatik alboratu du irakaslea, eta orain ikasgai jakin batzuk ematen ditu eta irakasle-laguntzaile aritzen da. “Familien alde daudela eta ahal dutena egingo dutela esaten digute zuzendaritzatik, baina Hezkuntza Departamenduaren esku dagoela konponbidea”. Eskolako zuzendaritza taldeak askotan hitz egin du irakasle honekin, “baina ez du jarrera aldatzen”.
Ikuskaritzarekin eta Hezkuntzarekin ere izan dira gurasoak, espediente diziplinarioa abiatu zitzaion, baina irakasleak ez zuen zigorrik jaso, ez zutelako salaketen frogarik aurkitu. “Ez zen, ordea, prozesu oso zorrotza izan; pentsa, ez zuten ikasleekin hitz egin, irakasle honekin aritu ziren beste irakasleekin baino ez, baina ikasgelan beste heldu bat dagoenean ezberdin jokatzen du irakasleak”.
"Irakasleari abiatutako espedientea ez zen prozesu oso zorrotza izan; pentsa, ez zuten ikasleekin hitz egin"
Irakaslea funtzionarioa da. Nafarroako Gobernuko Hezkuntza Departamenduak adierazi du emakume hau ez dela tutore arituko eta ez dela inoiz haurrekin bera bakarrik geratuko. “Nolabait, arazoa onartzen ari da Departamendua –dio Bordak–, baina adabaki horiek ez digute balio, gerora agian berriro ere tutore izatera bueltatu baitaiteke”.
Asteazken honetan lehen eskola eguna dute Nafarroan eta protesta gisa greba egingo dute gurasoek, ez dituzte seme-alabak ikastetxera eramango. Ostegunetik aurrera, haurrak irakaslearen ikasgaietatik ateratzeko antolatuko dira gurasoak.
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]
Oier Sanjurjo Maté hautatu dute Nafarroako Ikastolen Elkarteko lehendakari. Atzo egindako asanbladan erabaki zuten izendapena. "Mugarri garrantzitsua da euskarazko hezkuntzaren etorkizunerako foru erkidegoan", adierazi du Ikastolen Federazioak ohar batean.
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta... [+]
Institutuko giza baliabideak hobetzeko eskatu dute irakasleek, ikasleei kalitatezko arreta eman ahal izateko. Kartelekin eta pankartekin itxaron diete irakasleek lehendakariari. Jaurlaritzako ordezkariek ikastetxeko zuzendaritzari esan diote ez zutela "horrelakorik... [+]
Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]