“Ordezkaguneko akatsak zuzentzen joan beharrean, badirudi egunero akats handiago bat egiten dutela”
Haserre daude EAEko irakasleak eta Jaurlaritzaren aurka helegiteak (banaka edo modu bateratuan) jartzeko asmoa agertu dute. Irakasle bati baino gehiagori postu bera eskaini diete, edo gauza bat eskaini eta beste bat aurkitu dute ikastetxean, irakasle faltan daude hainbat eskolatan... Bi aste pasa direnean, Ordezkagunea aplikazio telematikoak arazoak ematen jarraitzen du eta punturik ez duten (batzuetan zerrendan ere ez dauden) hainbat irakasleri eman die plaza, puntu gehiago dituztenak plazarik gabe utziz.
Egoera konpondu beharrean, "egoera larritu eta ehunka ordezkapen gaizki banatu dira ostegun honetan bertan, langile askoren oinarrizko eskubideak, berriro ere, urratuz", dio Steilas sindikatuak. “Ordezkaguneko akatsak zuzentzen joan beharrean, badirudi egunero akats handiago bat egiten dutela”, kexu da irakasle bat Ordezkoak Martxan plataforman. Punturik ez eta lana eman dietela jakin dute irakasle batzuek, harriduraz. Lan hori, izan ere, puntu gehiago duten langileei dagokie.
Ikasturtea hasi eta bi astera, kasu gehiago azaleratu berri dira. Ordezko irakasle batek adibidez kontatu du lanaldi osoa egiten ari dela baina bat-batean jakin duela nominan heren bat egiten ariko balitz bezala ageri dela; eta beste batek dio 200 kilometro egin dituela esleitu zaion ikastetxera, baina lan bererako bi pertsona zeudela eta etxera bueltatu behar izan duela esku hutsik.
"Inoizko ikasturte hasiera kaotikoena"
Irakasleek helegitea jarri ahal izateko eredua prestatzen ari dira dagoeneko sindikatuak. "Aurtengoa inoiz bizi izan den ikasturte hasiera kaotikoena izaten ari da", diote sindikatuek: milaka ikasle irakaslerik gabe bi astez.
Cristina Uriarte Hezkuntza sailburuak esan du arazo puntualak direla eta konpontzen ari direla. “Pazientzia pixka bat” eskatu die irakasleei.
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Lehen Hezkuntzako adin ezberdinetako sei ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume gehiago... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]
EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]
Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]
Ikasturte hasieran salatu bezala, Hezkuntza Lege Aurreproiektuak euskal eskola publikoa sendotu ordez ahuldu egiten duela adierazi du Euskal Eskola Publikoaz Harro Topaguneak. Haien ustez, publiko-pribatu sistema duala betikotzen du, ez du eskola publikoa lehenesten, ikastetxeak... [+]
Eskola-jazarpenaren kontrako egunean, joan den ikasturteko datuak aurkeztu ditu Eusko Jaurlaritzak: 157 bullying kasu identifikatu dituzte EAEko ikastetxeetan, aurreko ikasturtean baino 28 gehiago. Bigarren Hezkuntzan izan dira kasu gehienak, eta hitzezko erasoak izan dira... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eusko Jaurlaritzaren planifikazio dekretua eta onarpen agindua kritikatu ditu Iñigo Martinez Zaton Elkarrekin Podemos-IUko legebiltzarkideak, salatu du ikastetxe publikoan matrikulatu nahi eta itunpekora bideratu dituztela familia batzuk, eta Ikastolen Elkartearen... [+]
Leringo hainbat gurasok herriko eskola publikoan D lerroa irekitzeko eskatu zuten iaz, baina nahiz eta legeak markatutako gutxiengo eskari kopurua gainditu, gurasoek ez dute aukera hori izango, Nafarroako Gobernuaren iritziz “Leringo eskolak ez duelako espaziorik D eredua... [+]
Bi urteko haurrentzat Eusko Jaurlaritzak planifikatutako hezkuntza eskaintza aztertu du STEILAS sindikatuak. Sare publikoa eta itunpekoa “lehian dauden udalerrietan”, itunpeko eskaintza handiagoa dela nabarmendu du, bereziki 10.000 biztanletik gorako herrietan.