Irakas-hizkuntza euskara izango dela jaso behar du EAEko Hezkuntza Legeak, Kontseiluaren iritziz
Ikastetxeetan "euskara ardatz izango den esparru eleaniztun orokortua" ezartzea adostu dute Eusko Legebiltzarreko alderdiek. Adosturiko testuan hiru hizkuntzen tratamendu integratua aipatzen dela ikusirik, euskara ardatz izatearen ezaugarriak ongi zehaztu eta irakas-hizkuntza euskara dela jaso dadila eskatu du Euskalgintzaren Kontseiluak: “Kezkagarria litzateke garai bateko marko hirueledunari atzeko atea irekitzea”.
Zeresana ematen jarraitzen du EAEko Hezkuntza Hitzarmenak, udazkenean argia ikusi nahi duen Hezkuntza Legearen atariko. Hainbat alderdik adosturiko testua aurkeztu berri, ikastetxeetan ezarriko den hizkuntza proiektuaz balorazioa egin du Kontseiluak.
Testuak aipatzen duen esparru eleaniztuna (euskara, gaztelania eta hirugarren hizkuntza bat) ikaskuntzak bideratu behar du, hitzarmenaren arabera. Horri kezkaz begiratzen dio Kontseiluak: hiru hizkuntzak ez, euskarak izan behar du irakas-hizkuntza, Kontseiluaren esanetan, eta hala jaso behar du legeak. “Datuek aski ongi erakutsi dute euskara irakas-hizkuntza duen eredua dela ikasleek hizkuntza-gaitasun egokiak eskuratzeko arrakastatsuena”. Kontseiluaren aspaldiko aldarrikapena da D edo murgiltze eredua izatea ikastetxe guztietarako eredu bakar, eta ez dute nahi legeak egungo A, B eta D ereduen markoari “atzeko atea irekitzea”.
Hiru hizkuntzen tratamendu integratua emango dela jasotzen du testuak, eta horren aurrean ere, zehaztapen handiagoa eskatu du Kontseiluak: euskara ardatz izango den sistema horretan, zein dira ardatz izatearen ezaugarriak? Alegia, zein ezaugarrik bermatuko dute benetan euskara ardatz izatea? Kontseiluaren beste galderetako bat: Zergatik dio testuak “esparru eleaniztuna” eta ez “eredu eleaniztuna”? Zein da bi horien arteko aldea?
Irteera profilak zehaztea, aldarrikapen historikoa
Kontseiluak ongi baloratu du hitzarmenean jaso izana ikasleek derrigorrezko hezkuntza amaitzean B2 profila lortu behar dutela euskaraz eta gaztelaniaz, eta B1 hirugarren hizkuntza batean. “Kontseiluaren aldarrikapen historikoa izan da hizkuntza-gaitasunak zehaztea”.
Denok dakigu askatasuna kontzeptu zaila dela, ertz askotarikoa, hitzez definitzen zaila. Maiz mugagabetasunarekin definitu ohi dugu, baldintzamendurik gabe erabaki ahal izatearekin, ondoriorik ez edukitzearekin, edota ekintzen ardurarik hartu behar ez izatearekin. Baina ez denez... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Langileen %80ak ez du ordubete irauten arreta galdu gabe eta %20 inguru hamar minuturo distraitzen da. Kontzentratzeko gaitasun falta ez da soilik mugikorren eta estimulu teknologiko andanaren errua, elikadurak, kutsadurak eta oinarrian gure bizi estiloak ere zerikusi handia... [+]
Plaza eskatu duten guztiak onartuak izan dira onarpen-sistema berria eta zikloaren doakotasunari esker. 12.000 euro baino gutxiagoko errenta duten familien 297 umek izango dute plaza.
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]