Irainik ez eskola kirolean: publikoari txartela ateratzeko aukera eta norgehiagoka bertan behera uzteko irizpideak
Eskola kiroletik irainak ezabatzeko asmoz, protokoloa abiatu dute Araban: besteak beste, ikus-entzuleei txartela aterako zaie; lehenengo irainarekin norgehiagoka gelditu eta hirugarrenarekin bertan behera utziko da; eta arbitroa ez da ardura hori duen bakarra. "Indarkeriaren lehenengo txinpartari horma jarri nahi zaio, harmailetatik etorri ohi den irain eta errespetu faltari”.
“Gurasoek harmailetatik 20 urteko arbitroari irain egitea, edo seme-alaben aurkarietako bati, edo haurrari minutu gehiago eman ez dizkiolako entrenatzailea bera iraintzea normalizatzen dugunean hasten da indarkeria”, eta errespetu falta horiek kiroletik, batez ere eskola kiroletik, desagerrarazteko abiatu du “Irainik ez, kitto!” ekimena Arabako Foru Aldundiak.
Helburua da, batetik, jokalariak, arbitraje-taldea eta publikoa bera (“gehiengoak ez du iraintzen”) ahalduntzea, denen artean irain eta errespetu faltei aurre egiteko; eta bestetik, pedagogia egitea, lehiaren gainetik umeek kirolaz goza dezaten eta baloreetan hezi daitezen. “Tamalez, gertakari lotsagarriak bizitzen ditugu maiz”.
Iraintzeak ondorioak ditu
Martxan jarri duten protokoloaren arabera, lehen irainarekin norgehiagoka gelditu eta errespetu faltaren egileari adieraziko zaio ez errepikatzeko; bigarren irainarekin partidua gelditu eta taldeei esango zaie errepikatuz gero bertan bera utziko dela lehia; hirugarren iraina entzundakoan, norgehiagoka bukatu eta aldageletara joan beharko dute jokalariek.
Protokoloak ere badio arbitroak ez direla norgehiagoka bertan behera utzi dezaketen bakarrak. Instalazio edo zelaiko delegatuak, babes ordezkariak eta entrenatzaileek ere ardura hori har dezakete.
"Animatu kirolari guztiak, trebetasun maila edozein dela"
Protokoloaz gain, dekalogo bat ere argitaratu dute, kirol eragile eta instalazioetara zabalduko den kanpaina betean:
"Errespetatu entrenatzaileen eta kirolarien erabakiak, eta ez eskurik sartu haien lanean.
Animatu kirolari guztiak, haien gaitasun eta trebetasun maila edozein izanda ere.
Lagun dezazun eta goza dezazun nahi dugu. Ahal dela, ez egin oihu, eta aitortu taldeen zein kirolarien ahalegina.
Errespetatu epaileak. Lan zaila da, baina funtsezkoa, eta errespetatzen badituzu, erraztu egiten diezu lan hori.
Izan jarrera positiboa eta laguntzailea harmailetan eta parte-hartzaileekin.
Lagundu talde lana sustatzen. Nahi duten bakarra gozatzea eta dibertitzea da.
Ez kritikatu eta ez iritzirik eman arrazoirik gabe… Animatu, besterik ez!
Kirolaren helburu nagusia dibertitzea eta ikastea da.
Sustatu kirol legea, joko garbia eta ikusleen arteko errespetua.
Bultzatu ahalegintzeko eta hobetzen segitzeko balioak".
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka,... [+]
2002an ikusi zituen lehenengoz hamaika emakume kamiseta zuri-gorriarekin San Mamesen. Bere ametsa egia bihurtzeko aukerak errealak zirela ulertu zuen Garazi Muruak. Athleticeko nesken taldeko kapitaina izatera iritsi zen, baina lesio batek behar baino lehen ekarri dio... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Bizilagunekin plataformak gogor kritikatu du Donostia 2030eko munduko futbol txapelketaren egoitzetako bat izatea, Marokok, Portugalek eta Espainiak antolatuko duten edizioan. “Hiria munduko mapan kokatzea” eta “lehen mailako kirol ikuskizuna herritarrei... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]