“Irabazi egin dugu”: Burlatako etxegabetzea gelditu du Iruñerriko Etxebizitza Sindikatu Sozialistak
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat finkatuko dute.
Burlatan etxegabetze bat geldiaraztea lortu du Iruñerriko Etxebizitza Sindikatu Sozialistak, ostegun goizean 100 bat lagun mobilizatu ostean. Elkarretaratzea egin dute Basilio Armendariz kalean, segizio judizialak desalojoa betearaz ez zezan. Deialdia 9:00etan egin dute, eta jendetza handitzen joan da denborak aurrera egin ahala.
Aurreikusitako ordua baino minutu batzuk geroago iritsi da epaitegiko segizioa, eta manifestariak bertan zirela ikusita, etxegabetzea bertan behera uztea erabaki du. Ostegunean "ez zegoen baldintza egokirik kaleratzearekin aurrera egiteko," eta beste data bat finkatuko dutela adierazi dute, sindikatuko kideek jakinarazi dutenez. Hori eragozteko mobilizatzen eta antolatzen jarraituko dutela ziurtatu dute: "Hemen egongo gara berriz, eta gure esku dagoen guztia egingo dugu etxegabetzea berriz gelditzeko".
Etenaldiaren berri izan ostean, Etxebizitza Sindikatu Sozialistak eskerrak eman dizkie deialdira joan direnei, eta antolatzearen azpimarratu du. "Gaur irabazi egin dugu", esan dute eta etxegabetzea etorkizunean gauzatu ez dadin lanean jarraituko dutela azpimarratu dute.
Ezin zaio pertsona zaurgarrien etxegabetzeetarako luzamendua ezarri
Genero-indarkeriaren biktima den emakume baten eta haren bost seme-alaben etxegabetzea da ostegunean saiatu direna. Seme-alabetako hiru hemezortzi urtetik beherakoak dira. Sindikatuak azaldu duenez, egoera 2013an hasi zen, emakumea eta orduko bikotekidea etxebizitzan sartu zirenean jabearekin ahozko akordio bat eginda, erasotzailearen senidea dena. Urteetan alokairua ordaindu badute ere, kontratu formalik ez izateak legearen babesik gabe utzi ditu.
Egoera okertu egin zen emakumea indarkeria matxistaren biktima zela aitortu, eta, ondorioz, erasotzailea kartzelan sartu zutenean. Urruntze-agindua ez dago indarrean jada, antolakuntzatik adierazi dutenez. Orain, jabeak etxetik kaleratu nahi ditu, etxebizitza saltzeko asmoa duela argudiatuta, eta horrek babesgabe utzi du ama; izan ere, maizter formal gisa aitortuta ez dagoenez, ez zaio pertsona zaurgarrien etxegabetzeetarako indarrean dagoen luzamendua aplikatzen.
Jarraian Ahotsa.info-k goizak emandakoaz egin duen erreportajea.
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]