Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu, bai jauna. Eta bestela, erosiko dut nik gasolina bidoia.
Polizia gehiago. Polizia gehiago da behar duguna, noski. Jada Polizia gehien dugun auzoa gara, baina Polizia gehiago behar dugu, ez naiz babestuta sentitzen eta. Nire seme-alaben segurtasunagatik, haiengatik behar dugu Polizia gehiago. Polizia gehiago kaleak patruilatzen, Polizia gehiago motoetan, kotxeetan, zaldian beharbada. Polizia gehiago pistolekin, borrekin eta taser pistolekin. Horrela bai, horrela seguru biziko gara.
Auzotik kanporatu behar ditugu. Haiek, urrun ditugun haiek auzotik urrunago behar ditugu. Ez ditut nahi nire ondoan parkean, ez eta fruta-dendan ere. Okupak dira, geure lokal hutsen okupak, ezin dutela ezer ordaindu? Bada lan egin dezatela, besteok egiten dugun bezala. Ez da arrazakeria, delinkuentzia da.
Urrutiko lurralde batetik datoz, maitia. Bai oso urrutitik, Sevilla baino urrutiago bai. Zergatik? Bada, beno, zergatik, bada han ez dagoelako bizitzerik. Ez han ez dago bizitzerik, han diru gutxi dago, eta, hemen, bada hemen diru gehiago dago. Zergatik ez dagoen han dirurik? Ba ez dakit, gerraren bat edo. Zer? Baietz, sortzen lagundu dugun gerraren batengatik edo… zergatik dituzu hainbeste galdera? Haiek urrutitik datoz, diru gabeko leku batetik eta gure dirua kendu nahi digute, beraz, urrutiago joan beharko lirateke, puntu pilota…
Eta, horrela, haurrok, gertatu zen faxismo eta arrazakeriaren gorakada gure auzoan. Ipuin bat izatea gustatuko litzaiguke
Puntu pilota. Eta, horrela, haurrok, gertatu zen faxismo eta arrazakeriaren gorakada gure auzoan. Ipuin bat izatea gustatuko litzaiguke. Hilen gauean haurrak beldurtzeko ipuin bat, haurrek faxismoa eta arrazakeria borrokatzen ikasteko ipuin bat.
Eta nire auzoan astero manifestatzen dira, auzoko lokaletan bizi diren migratzaile eta pobreak kanpora bidaltzeko. Agian nahi lukete Albanian Italiak eraiki dituen kontzentrazio esparru horietakoren batera bidali, edo zer dakit nik. Agian ez dute ikusten haien begietan dagoela gu ere bihur gaitezkeen hori. Miseria gorputzez gorputz erraztasunez pasatzeko garai aproposa da gaur egungoa. Agian uste dute horiek joandakoan amaituko direla guztion arazoak. Agian ez dakite guztiok itotzen gaituen sisteman ez dagoela magia bidez amaitzen den arazorik, guztiok batera kontra egitea edo ezer ez.
Guztiok batera kontra egitea edo ezer ez. Denok batera baina udaletxera. Bai, denok batera udaletxera. Edo hobeto, diputaziora. Ez, ez, legebiltzarrera, gobernura, banketxeetara, multinazionalen egoitzak dauden eraikin altuetara, geure auzoetan ez dauden aberatsen etxe erraldoietara. Hori da, bai, bai. Joan gaitezen plan batekin, egin dezagun plana bai, eta joan gaitezen etxez etxe, tinbrez tinbre, plana azaltzen. Eta, orduan, denok gaudenean, goazen udaletxera. Denok batera kontra egitera. Eta erosiko dugu bai, gasolina, baina lokalak ez dira kiskaliko, ez, udaletxeko eserleku bakoitza erraustuko dugu…
Beraz, haurrok, garrantzitsuena zera da, gogoratzea, badirela errealitate bihurtu beharko genituzkeen ipuinak ere. Gutaz dihardutenak, egin beharko genukeen horretaz.
Metaren buru den Mark Zuckerberg-ek adierazpen askatasunaren izenean eta erroetara itzultzearen izenean, immigrazioa, generoa eta sexu-orientazioa bezalako gaien aurkako zentsura kentzeko neurriak hartu ditu. Trumpekin elkarlanean arituko dela adierazi du eta... [+]
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Uber gidari batek jasan zuen erasoa: bortizki jo eta irain arrazistak egin zizkion bezero gazte batek. Baionan eta Arrigorriagan ere izan dira eraso arrazistak berriki.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Arrigorriagako Udalak elkarretaratzea egin du igandean udaletxeko plazan, ostiralean txinatar jatorriko merkatari batek bere dendan jasandako erasoa salatzeko eta biktimari babesa adierazteko. Horrez gain, Ipar Euskal Herriko Kontseilu Sozialistak elkarretaratzea antolatu du... [+]
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Kasua auzitegietara eramateko aukera aztertzen ari dira.
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]