Iparkorearrak ote dabiltza behe-laino artean Errusian?
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Karl von Clausewitz famatuak Nebel des Krieges, gerra-lainoa, kontzeptua sortu zuenetik, hamaika aldiz baliatu da esamolde hori, berezkoa eta zehatza duen esanahitik aldendu eta errusieraz askoz propioago maskirovka deitu ohi denarekin parekatuta. Lehenak, gerran ari denak bere errealitatea osotasunean eta zuzen ezagutzeko beti izaten duen zailtasuna adierazten badu, alderantzizko bidea egiten du bigarrenak: benetan egiten ari zarenaz edo egin behar duzunaz etsaia (eta gainerakoak) ahalik erratuen egonaraztea du delibero. Labur esanda, gerra-lainoa, ahalik itxiena, ereitea izango litzateke maskirovka edo desinformazio militarraren xedea. Gerragintza bezain zaharrak dira biak ala biak, edonola ere.
Bada, Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa. Baina ez dago beste modurik egiara hurbiltzeko.
Begiraleok ditugun “egitate” bakarrak duela hiruzpalau asteko bideotxo gandutsu batzuk –non ikusiko bailirateke soldadu iparkorearrak liratekeenak errusiar soldadu-fardelak jasotzen, Eki Muturreko punturen batean– diren arren, Mendebaldeko bozgorailuak ziurtzat ematen ari dira Ukrainako gerran zuzenean parte hartzear direla haiek. Guztien aitzindari, V. Zelenskyren gobernuak egintzat ematen du dagoeneko Kursken guduan arituko liratekeela iparkorearrak. Ez da hutsala leku-ñabardura: nazioartean aintzatetsitako errusiar lurraldea da Kursk –Donbass edo Krimea ez bezala–, eta Ipar Korea eta Errusiaren defentsa-tratatuak aintzat hartuta egongo litzateke.
Errusiak oraingoz ukatzen ez baiesten ez duen “egitate” hori interpretatzeko orduan, hala ere, sakabanatu egiten dira erabat hautuak. Kievek deritzo Errusia pott eginda legokeela errekrutatzearen alorrean, eta horregatik heltzen diola aliatu korearraren giza-erreserbari. Pentagonoaren irakurketa doiagoa da: korear armadaren interesa ere izan daiteke benetako gerra aurreratu batean bere soldaduak zailtzea. Ez da falta garia eta garoa zuzenean nahasten dituena ere. Eta litekeena da, indiar itsuen ipuinean bezala, guztiak elefante berbera eskuztatzen aritzea.
Baina, hala balitz, elefantea ez legoke Ukraina aldean, baizik Japoniako Itsasoan. Aise ahazten badugu ere, Koreako gerra ez dago kitatuta ia 75 urte betetzear denean. Eta II. Mundu Gerra bera ere hala moduz ebatzita geratu zen han. Eta akabera haren berrikuspen argi eta garbian murgilduta dago Japonia; AEBen oniritzia baino gehiagorekin. Eta Txinaren haserre ukaezinarekin. Eta...
Ekaitz handia ari da eratzen Japoniako Itsasoan behe-laino artean.
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]