Ipar Irlandako Parlamentua desblokeatuko al dute unionistek ia urtebeteren ondoren?
Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak muga hori saihestu nahi du, eta Parlamentuari hitza eman Europak ezarritako legeen gainean.
Brexitaren ostean katramilatuta zegoen auzi nagusian aurrerapausoak eman dituzte astelehenean. Rishi Sunak Erresuma Batuko gobernuburuak eta Ursula von der Leyen Europako Batzordeko presidenteak hitzarmen bat adostu dute Ipar Irlandatik pasatzen diren produktuen merkataritza fluxua bideratzeko. Windsor Esparru Hitzarmena deitu diote, bertan egin baitute bilkura.
“Aurrerapen esanguratsutzat” jo du akordioa DUP Alderdi Demokratiko Unionistako buru Jeffrey Donaldson-ek, baina oraindik “kezka pizten duten gako garrantzitsuak” argitzeke daudela gogorarazi du, eta xehetasunak aztertzeko "denbora" beharko dutela. Sunakek asteartean Belfasteko prentsaurrekoan ziurtatu du “denbora eta espazioa” emango diola DUPi, hitzarmena aztertu dezan. Espero du unionisten alderdia Ipar Irlandako Asanbleara itzultzea, hitzarmenak "Stormont-eko balazta"ren bidez Europako Batasunaren legeei betoak ezartzeko aukera ematen dielako. Horretarako, ordea, Stormonteko Parlamentua (Ipar Irlandakoa) desblokeatu behar da, izan ere, 2022ko maiatzetik asanblea boikoteatzen ari dira Irlandako unionistak, aurreko hitzarmenarekin desados daudelako.
Irlandako itsasoan muga
Ipar Irlandako politikan desoreka eragin du auziak, Stormont-eko asanblea blokeatuta baitauka DUPek. Salatzen ari dira, batetik, merkantzien kontrolak eta Erresuma Batuko “barne muga”, eta bestetik, Europako Justizia Auzitegiaren etengabeko esku hartzea Ipar Irlandan. Arazoa zera da: Boris Johnsonek adostutako akordioaren arabera, Ipar Irlanda ez da irten Europako Batasuneko merkatu bakarretik, nahiz eta Brexita gauzatu. Horrek eragin zuen Irlandako Errepublikarekin merkataritza mugarik ez izatea –Europako Batasunean dago–, baina bai, ordea, Britainia Handiarekiko “itsasoko muga” sortzea. Produktuen fluxurako kontrol ugari daude.
Sunakek espero du unionisten alderdia Ipar Irlandako Asanbleara itzultzea, hitzarmenak "Stormont-eko balazta"ren bidez Europako Batasunaren legeei betoak ezartzeko aukera ematen dielako
Windsorreko Hitzarmenaren bidez “ez da muga sentsaziorik egongo Irlandako itsasoan”, Sunak lehen ministroaren hitzetan. Honela eman diote irtenbidea: produktuak, landareak eta animaliak bi bidetatik garraiatuko dituzte. Bide Berdea izango da Ipar Irlanda eta Britainia Handiaren harremanetarako; merkantziek ez dute kontrolik pasa beharko, baina Europako Batasunak informazio elektronikoa jasoko du. Bide Gorria, aldiz, Irlandako Errepublikara edo Europako Batasunera doazen produktuentzat izango da; kontrolak eta burokrazia handiagoa egin beharko dute Ipar Irlandako portuetan.
Stormont-eko balazta
Sunakek DUPeko unionistak akordiora hurbiltzeko baliatu du “Stormont-eko balazta” deritzona. Hitzarmenean gehitu dute baldintza hori: Ipar Irlandako Asanbleak teorian betoa jarri ahalko die Europako Batasuneko merkatu bakarreko lege berriei, ikusten badu Ipar Irlandan aplikatzen ari direla eta Britainia Handiarekiko harremanean eragiten duela. Praktikan, ordea, Europako Justizia Auzitegiak izango du azken hitza.
Windsorreko Hitzarmena ez da egun batetik bestera martxan jarriko. Europako Parlamentuan onartu behar dituzte erabakiak gobernu guztiek, eta gero “progresiboki” joango dira legearen aldaketak sartzen, aurreratu dutenez.
Horrez gain, Sunakek lortu beharko luke akordioa babestea bere alderdiko kontserbadoreenek eta Ipar Irlandako unionistek, nahiz eta elkarrizketa batean ulertarazi duen babesik gabe ere aurrera egingo lukeela, The Guardianek jakinarazi duenez.
Negoziaketa prozesu luzearen ondotik, Erresuma Batuak eta Europako Batasunak Brexit-aren gaineko akordioa lortu dute azken minutuan.
Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako... [+]
Otsailaren lehenean bereizi dira Erresuma Batua eta Europar Batasuna.
Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]
Luzapen berria Brexitaren partida luzean: Europar Batasunak data berri bat onartu dio Britainia Handiari haren egituretatik ateratze baldintzak zehazteko, 2020ko urriaren 31. Bi aldeek adostasun osoa lehenago lortuko balute, britainiarrek balukete lehenago joateko aukera. Aldi... [+]
Erresuma Batuko Komunen Ganberak bigarren irakurraldian onartu du Boris Johnsonen eta EBren arteko irteera negoziaturako akordio berria, aldeko 329 botorekin eta kontrako 299rekin. Berehala, atzera bota du Gobernuaren mozio bat (308-322), ondorengo epeak laburtzeko eta hiru... [+]
Lehen ministro britainiarrak, Boris Johnsonek, aurreratu eta ondoren Jean-Claude Juncker Europako Batzordearen buruak berretsi duenez, Erresuma Batuaren gobernua eta Europar Batasunarena heldu dira Brexitaren inguruan ados jartzera. Ituna, indarrean jar dadin, Erresuma Batuko... [+]
Laboristek proposatu duten lege-proiektua onartu du Komunen Ganbarak, eta Brexit-a adostasunez egitea behartuko du Johnson. Hauteskundeak ez aurreratzea ere lortu du oposizioak.
Alderdi laborista buru duen oposizioak Brexit gogorra ekiditeko lege-proiektua onartu du; asteazkenean hasiko da lege-proiektuaren gaineko eztabaida Komunen Ganbaran.
Parlamentuaren prorrogaren jokaldi agerian populistarekin Johnsonek lortu nahi du legebiltzarrean gehiengoa eskuratzea.
Ingalaterrako Elizabeth II.aren baimenaz parlamentuaren agenda legegilea bost astez atzeratzea lortu du Boris Johnsonek. Erabaki honek parlamentuak Brexit-ean eragin gutxiago izatea egingo luke.
Abuztuko beroan, oporraldian harrapatu ditu Europako agintari politiko ugari, kezkatzeko moduko albiste ekonomikoak: Alemania atzeraldian sartzeko zorian dago. “Saihestu dezakegu, neurri egokiak hartuz gero”, esan zuen Peter Altmier ekonomia ministro alemaniarrak... [+]
Independentziari buruzko lehenengo erreferendumetik bost urte pasa direnean, bigarren galdeketa bat iragarri du Nicola Sturgeon Eskoziako lehen ministroak, bi urteko epean deituko litzatekeena. Brexitaren ostean, asmoa da herritarrei galdetzea Erresuma Batuaren baitan Europar... [+]
Londresko Gobernuak eta Europar Batasunak Brexiteko akordioan negoziaturiko azken aldaketek ez dituzte konbentzitu Erresuma Batuko parlamentuko diputatuak. Gehiengoak proposamenaren aurka bozkatu du oraingoan ere, irteera data martxoaren 29rako aurreikusita dagoenean.
Gobernu britainiarrak eta Europar Batasunak negoziaturiko akordioaren aurka mozioa onartu dute, aldi berean, Eskoziako Parlamentuak eta Galeseko Asanblea Nazionalak. Inongo trataturik gabe Europar Batasuna uztea “erabat onartezina” dela dio mozioak.