Ipar Irlandako hiru emakumek poliziari aitortu diote abortatzeko pilulak hartu dituztela
Hiru emakumek abortatzeko pilula ilegalak hartu dituztela adierazten duen idatzi bat aurkeztu dute Derryko polizia etxean, Ipar Irlandako abortuaren lege murriztailearen aurkako protestan.
Diana King, Collete Devlin eta Kitty O`Kane abokatuarekin batera aurkeztu dira polizia etxera. Hiru emakumeek idatzi bat eman diete poliziei, eta hor azaldu dute zergatik lortu dituzten pilulak.
King da horietako bat eta 72 urte ditu. Oso “haserre” dago emakumeen aurka martxan jartzen ari diren prozesamenduekin: “Barkaezina da nola tratatzen ari diren emakumeak. Poliziarengana etorri naiz esatera abortatzeko pilulak lortu ditudala behin baino gehiagotan”, adierazi du.
Kingek nabarmendu du ez duela inoiz deliturik egin. Pilulak ez dira substantzia pozoitsuak eta Munduko Osasun Erakundeak ere “ezinbesteko” botikatzat jo ditu, azaldu duenez. Kartzelara joateko arriskua dutela badakite, baina “argi” defendatuko dute ez dutela ezer txarrik egin.
Ekintza hainbat emakumek jasandako erasoen ondorio izan da. 21 urteko neska gazte batek abortatzeko pilulak erosi zituen eta epaileak erruduntzat jo zuen. Pozoi bidez abortua praktikatzea egotzi zioten eta hiru hilabeteko espetxe zigorra ezarri zioten.
Ez da kasu bakarra; beste emakume batek ere Ipar Irlandako epaitegi batean aurkeztu behar du ekainean, nerabe bati emateko pilulak lortzea leporatuta.
Ipar Irlandan debekatuta dago abortua
1861etik indarrean dagoen lege “murriztailea” aldatzea da ekintza horren helburua. Abortua legez kanpo dago Ipar Irlandan, “emakumearen bizitza arriskuan dagoenean” edo " haurdunaldiak emakumeari eritasun mentalak edo fisikoak sor diezazkiekeenean" izan ezik.
Ipar Irlandan abortatu nahi dutenek bi aukera dituzte: kanpora joatea edo pilulak hartzea. Alde batetik, Gales edo Ingalaterrako ospitale pribatu batera joan daitezke abortatzera –osasungintza publikoak ez ditu artatuko Ipar Irlandakoak izanez gero–, horretarako nahikoa diru badute: 1.000-2.000 libera inguru (1.300-2.600 euro).
Beste herrialde batera joatea erabakitzen duten emakumeak ez dute inolako lege hausterik egiten. Aitzitik, pilulak hartzea erabakitzen duenak zigortua izateko arriskua du. 1861eko legearen arabera, biziarteko kartzela zigorra ere eragin dezake pilula hartzeak.
Hori da, hain zuzen, ekintzaile horien aldarrikapen nagusia: lege bat aberatsentzat egina dago, eta beste bat txiroentzat.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.