Ipar Euskal Herrirako etxeratze-agindua ekainaren 2an bukatuko da
Hamar kilometrotara mugaturiko konfinamenduak maiatzaren 3a arte iraunen du. "Progresiboki" eta "faseka" eginen da deskonfinamendua, eta urrats ezberdinen berri emanen du Emmanuel Macron Frantziako presidenteak apirilaren 30ean.
COVID-19 izurritea azkar dabil oraindik Frantziako Estatuan –31.500 kutsatze berri azken 24 orduetan eta oraindik 2.700 lagun baino gehiago Zaintza Intentsiboetako Unitateetan eta intzidentzia-tasa 301,6koa–, baina badirudi Frantziako Gobernuak erabaki duela deskonfinamenduari lotzea: maiatzaren 3rako finkatu du hamar kilometroetako konfinamenduaren bukaera; ekainaren 2tik aitzina ez da gehiago etxeratze-agindurik izanen eta tartean, pausoz pauso taberna, jatetxe eta kultur-guneek irekitzeko baimena eskuratuko dute.
Zehaztasun guztiak emanen ditu Emmanuel Macron presidenteak apirilaren 30ean, baina aldi guztiz bezala, mainstream komunikabideei esker herritarrek xehetasun guztiak jaso dituzte aurretik. "Progresiboki" eta "faseka" eginen da deskonfinamendua, Jean Castex Lehen ministroak zehaztera eman duenez. Orain arte hetsirik diren kirol-gune, kultur-gune eta komertzio batzuen irekitzea ere abiatuko dute maiatzaren 3tik aitzina, baina hor ere "pausoz-pauso", adibidez jatetxeek soilik terrazak dituzte baimendurik ukanen.
Harturiko neurriek lurralde guztirako balioko dute, baina behar izanez gero tokian toki neurri berri batzuk hartzen ahalko dituzte, beti ere birusaren hedapena mugatzeko.
Frantziako Ministroen Kontseiluak larrialdi egoeratik ateratzeko lege proiektua aurkeztu zuen atzo, apirilaren 28an. Iragan otsailaren 2an luzatu zuen larrialdi egoera eta hori ekainaren 1a arte. Finkatu egun horretan bukatuko da osasun alarma egoera, baina urriaren 31a arte atxikiko ditu gobernuak neurri murritzaileak hartzeko eskumena –pertsonen zirkulazioari dagokionez baita komertzioen hesteari buruz ere–.
Ipar Euskal Herriari dagokionez, datuak
Ipar Euskal Herriari dagokionez, intzidentzia-tasa 98,2koa da. Frantziako Estatuan orokorki 301,6koa da, hots Ipar Euskal Herrian baino askoz handiagoa. Orain arte, erreferentzia hau 50 baino gorago zuten departamenduak "gune gorri" sailkatuak ziren eta eskatzen zitzaien neurri gogorragoak hartzea... Baina badirudi, orain 301,6ko intzidentzia-tasarekin ere deskonfinamendua bideratzekotan garela. Txertaketa-kanpaina izanen da arrazoietariko bat segurienik: gaurko egunean, 14.500.000 herritar baino gehiagok dute lehen txertaketa jasota –lagun bat bosten gain–, eta 5.800.000 bigarren txertaketa dira ere eginik. Eta noski, uda dator bere turismoarekin, eta hori ere baditeke arrazoien artean... behintzat iaz horrela gertatu zen.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.