Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2024ko azaroaren 21ean
Ipar Euskal Herriko turismo ereduaren aurkako elkarretaratzea egin dute Angelun
Turismo masiboak dituen eragin sozial eta ekologikoak salatu dituzte Cinq Cantons auzoko turismo bulegoaren parean, ekainaren 22an.
Argazkia: Gazte Ekintza
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.
Angeluko Cinq Cantons auzoko turismo bulegoaren aurrean bildu dira herritarrak asteartean, Ipar Euskal Herrian ezarri den turismo masiboko ereduaren aurka egiteko. Ekonomia jarduera horrek etxebizitzen arloan eta ingurumenean dituen kalteak salatu dituzte, eta eredu alternatibo bat bilatzeko eskatu dute.
Azken urteetan, turisten etorrera masiboa izan dute Lapurdin. Elkarretaratzean bildu diren ekintzaileek horrela adierazi dute kaleratu duten manifestuan. Jende “uholdearen” ondorioz, mendiak aparkaleku bilakatu direla esan dute, eta hondakindegi salbaiak pilatu direla baso eta erreketan. Interes ekonomikoak bermatzeko naturguneak kaltetzeaz gain, etxebizitzaren merkatuan ere arazoak egon direla nabarmendu dute. Denboraldi turistikotik kanpo ere gertatzen da alokatze turistikoen emendatzea, eta espekulazioak eraginda, herritarrek ez daukate bizilekuak alokatu edo erosteko aukerarik.
Angelun bildutakoek esan dute ez daudela turismoaren aurka, “turismo eredu honen aurka baizik.” Beren ustez, “hamarkadak dira Frantses Estatuak eta bertako klase aberatsek harturiko erabakien ondorioz, Ipar Euskal Herriko ekonomia turismora eta hari loturiko zerbitzuetara bideratu dela”. Estatuak hartutako bide horren adibide gisa erabili dute aurtengo martxoan Kanboko, Hendaiako eta Angeluko turismo bulegoek Lapurdiren “erakargarritasuna saltzeko” egindako kanpaina eta Parisko metroan erabilitako iragarkiak.
Proposatutako alternatiba
Turismoak Ipar Euskal Herriko 1.200 laguni lana ematen diola nabarmendu dute, baina sektoreko langileek baldintza prekarioetan jarduten dutela. Horregatik, eta turismo masiboak dakartzan ondorioengatik, eredu aldaketa eta ekonomiaren dibertsifikazioa eskatu dute: “Laborantza eta urte osoan herri honetan bizi direnen oinarrizko beharrak asetzen dituzten lan esparruak lehenetsiko dituena”.
Irakurrienak
Matomo erabiliz
#1
Lander Arbelaitz Mitxelena
#2
#3
Ane Ablanedo Larrion
#4
Urko Apaolaza Avila
#5
Mikel Garcia Idiakez
#6
Zigor Olabarria Oleaga
Kanal honetatik interesatuko zaizu: Turismo masiboa
2024-11-14
Urko Apaolaza Avila
Pisu turistikoentzako baimenak urtebetez eten ditu Bilbok
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mila lagunetik gora mobilizatu dira turistifikazioaren eraginen aurka
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
2024-10-22
Leire Ibar
Milaka pertsona mobilizatu dira Kanarietako turismo masiboa salatzeko
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
2024-09-11
Nagore Irazustabarrena Uranga
Turismoa vs. geoglifoak
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
2024-09-09
ARGIA
Iruñeko Alde Zaharrean etxe turistikoei lizentzia gehiago ez ematea erabaki du Udalak
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Herrialde Katalanetako herririk turistikoenak, eskuin muturraren bozen biltoki
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
2024-07-17
Ula Iruretagoiena
Lurraldea eta arkitektura
Hemengoa
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
2024-07-03
Ula Iruretagoiena
Lurraldea eta arkitektura
Txibato
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
2024-06-25
Zigor Olabarria Oleaga
Zaharraz Harro! jaiak
Beren atarietan etxebizitza turistikoak debekatu dituzten auzokideak omendu dituzte Gasteizko Alde Zaharrean
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
2024-06-25
Mikel Garcia Idiakez
Turista taldeak 25 pertsonara mugatu nahi dituzte Hondarribian ere
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Hiri eredu bizigarri baten aldeko manifestazioa egin dute ehunka lagunek Donostian
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Eguneraketa berriak daude