Ipar Euskal Herriko haurtzaindegi euskaldunek laguntza eskatu dute, euskarazko zaintza bermatu ahal izateko
Euskarazko murgiltzea duten haurtzaindegiak aukeratzen dituzten guraso askok ez du horretarako aukerarik Ipar Euskal Herrian, eskaintza txikiagoa baita eskaera baino. Eskaera horri aurre egin nahian, langile bat gehiago behar dute, baina dirulaguntza publikorik lortu ez dutenez dirua biltzeko kanpaina abiatu dute.
"Euskarak lehen haurtzaroan bizi duen egoera kezkagarriari aurre egiteko", dirua biltzeko kanpaina abiatu du Konkolotx elkarteak. 2022an sortu zen Konkolotx, eta euskarazko murgiltze ereduan ari diren Ipar Euskal Herriko zortzi haurtzaindegi eta haurtzain-etxeek osatzen dute: Biarritzeko Ohakoa, Hendaiako Txiki Txoko, Baionako Luma, Angeluko Xoko Ttipi, Mauleko Xübükota, Lakarrako Ttinka, Ziburuko Ttuku Ttuku eta Azkaingo Kilima.
0-3 urteetan umeak euskarazko haurtzaindegietan nahi lituzketen gurasoek maiz ez dute aukera hori, eta sistema elebiduenera edo frantses elebakarrera jo behar izaten dute. Eskaerari ahalik eta ongien erantzun nahian, Konkolotxek apustua egin du langile bat postu erdiz hartzeko, eta dirulaguntza eskatu dio Euskararen Erakunde Publikoari, baina “momentuz ezezkoa” jaso dute. Horren aurrean, "lehenbailehen lanean hasteko" eta "haur eta familia berriei euskarazko zaintza" eskaintzeko diru bilketa kanpaina jarri dute martxan.
"Hizkuntzaren transmisioa 3 urte aitzin hasten da eta murgiltzea da transmisioa segurtatzeko eredu eraginkorrena"
Eskaintza txikia euskaraz
Haurtzaindegien %29 Hirigune Elkargoak eta Euskararen Erakunde Publikoak kudeatzen duten label sistemaren barruan daude eta gehienak haurtzaindegi elebidunak dira. Tokien %5 baino gutxiago eskaintzen da murgiltzean. Haurtzain-exeen kasuan, %18k funtzionatzen du murgiltze ereduan (28tik 5 dira euskaldunak).
"Familia guziek euskarazko harreraren hautua egiteko aukera ukan behar lukete", diote Konkolotxeko kideek. Azken finean, "hizkuntzaren transmisioa 3 urte aitzin hasten da eta murgiltzea da transmisioa segurtatzeko eredu eraginkorrena".
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Maddi Kintanak Baiona, Angelu eta Miarritzeko gazteen euskara aztertu du bere tesian. Hitz berriak sortzen dituzte baina baita hitzak beste hizkuntzetatik hartzen ere, besteak beste, interneten eraginez.