Ipar Euskal Herriko gazteen komunikabide elebidun berria aurkeztu dute
Bada du izena, eta Instagramen eta Facebooken hasiko du bere bidea, astero aktualitateko gai bat lantzen duen erreportaia zabalduz, eta asteko gertakari nagusiak laburbiltzen dituen emankizuna eskainiz. Euskaraz eta frantsesez arituko da, eta aurrera begira, Ipar Euskal Herriko hainbat hedabiderekin elkarlanean, plataforma gehiagotara jauzi egitea du asmo, eta eduki gehiago sortzea.
Bada komunikabidea sortu duten gazteek adierazi dute hutsune batek bultza dituela lan honetara, izan ere, pantailen bidez erdal erreferentziak jasotzen dituztela ia erabat: "Interneten murgildurik hezia izan den belaunaldi gisa, urteetan zehar pantaila aitzinean hedatzen zitzaigun mundu horrek gaizkizate nabarmen bat sortzen zigun. Izan ere, instagramen, twitterren, youtuben, blogetan edo interneten gazteen artean indarra hartzen duen espazioetan gure herritik kanpoko editoreak dira nagusi. Ipar Euskal Herriko gazteek pantailaz bestalde Frantzia mailako ahots eta idatziak dituzte nagusi, eta gehienetan ingeles edota espainolak ere, euskaldunak baino lehen".
Belaunaldi gaztearentzat Internet da informazio iturri nagusi eta jokaleku horretan arituko da Bada Ipar Euskal Herriko gazteentzat zuzentzeko: "Iparraldeko ekoizpenen bidez, sare sozialetan kontsumitzen diren formatuekin bat egiten duten edukiak sortzen hasteko baliabideak aurkitu ditugu". Instagramen eta Facebooken zabalduko dituzte edukiak hasieran, eta aurrera begira, Ipar Euskal Herriko beste hainbat hedabiderekin elkarlanean eduki gehiago zabaldu nahi dituzte hainbat plataformatan: twitter, youtube, spotify…
Helburu nagusiak
Gazteak informatzea da Bada hedabidearen helburu nagusia, gazte ikuspegitik: "Ildo editoriala gazteen interes puntu ezberdinetan oinarrituko dugu, beti ere berdintasunean oinarritu eta hau sustatzeko xedez, hala nola, iniziatiba ekologista, feminista, euskalzale, herrikoi, antiarrazisten…bidez".
Gazteak Ipar Euskal Herriko komunikabideak erabiltzera bultzatu nahi dituzte eta komunikazio tresnetan, kazetaritzan eta lurraldearen ezagutzan formatu. Horretarako ikastaroak antolatuko dituzte eta laguntzaile sare bat ere sortu dute, lekuan lekuko berriak, kontaktuak eta ezagutzak helarazteko.
Hainbat enpresak aniztasun eta inklusio politikak aldatu dituzte Donald Trumpen gobernu berriari ongietorria egiteko.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]
Wikimedia Commons-en biltzen dira Wikipedian erabiltzen diren lizentzia libreko fitxategiak: irudiak, argazkiak, audioak, bideoak… Une honetan 110 milioi fitxategiko bilduma erraldoia osatzen dute. 2006an hasi ziren urteko argazki onenak aukeratzen. 2023koak hautatu berri... [+]
WikiProject AI Cleanup proiektuari ekin diote Wikipedian: "Adimen Artifizialaren garbiketa", nolabait esatearren. Wikilari boluntarioak momentuz ingelesez, frantsesez eta alemanez hasi dira adimen artifizialaren bidez sortutako materialak detektatu eta (okerrak... [+]
Gorrotoa sustatzen duten algoritmoak, mendekotasuna sortzeko diseinatutako aplikazioak, pertsonak beharrean publizitate-hartzaileak ikusten dituzten plataformak, merkantzia gisa tratatzen gaituzten sare sozialak... Badirudi azken aldian Internetetik toxikotasuna baino ez dugula... [+]
“Pantaila aurrean denbora gutxiago igarotzeko esaten diegu gazteei, eta aldi berean ikastetxean derrigortzen ditugu gailu digitaletara konektatzera”. Eskoletako digitalizazio prozesuei frenoa jartzeko eta teknologiak (ez bakarrik hezkuntzan) gure gain duen kontrolaz... [+]
Espainiako Liburutegi Nazionala eta Euskariana Euskadiko Liburutegi Digitala elkarlanean aritu dira, bigarren urtez jarraian, .eus domeinuko eduki multzo handi baten bilketan. 13.000 domeinutan, orrialde sorta handiak biltegiratu dituzte, informazioko 15 terabyte guztira. Baina... [+]
Lanopor egun batzuk izan nituen joan den astean. Oporrak ziren, baina ordu batzuk dedikatzen dizkiodan afizio bati emanak izan ziren, biltzar batean inbertituak: hotelean lo eta hotel bereko areto batean jardunaldiak goiz eta arratsaldez. Ordu gutxi batzuk geratzen ziren hiria... [+]
Internet hasieran askatasunaren espazio izan zen, baina gaur egun enpresa handien esku dagoen lurralde kontrolatu bihurtu da. Testuinguru honetan, teknologia burujabetza eta ongizate komuna lortzeko Internet berreskuratzeko beharra gero eta premiazkoagoa da. Egile eta aktibista... [+]
Euskarazko Wikipediaren proiektuetako bat da Ikusgela, ikus-entzunezko material didaktikoak sortzeko ekimena, eta ikasturte berria abiatzera doaz euskal kultura sailerako bideo sorta berria argitaratuz. Hori egireko orduan konturatu dira artikulu askok hobekuntza eskertuko... [+]
Udako albistea da, zenbait tokitan agertu zena, Datuak Babesteko Euskal Agintaritzak (DBEA, Euskal Autonomia Erkidegoko administrazio-organo bat) Eusko Jaurlaritzako Hezkuntza sailari espedientea ireki ziola Googleren produktu batzuk erabiltzera behartzeagatik ikasleen... [+]
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.