Ipar Euskal Herriko euskal komunikabideek finantziazio “iraunkorra” galdetu diete instituzio publikoei
Apirilaren 22an azterketak euskaraz pasatzearen alde Baionan eginen den manifestaziora deitu dute Kazeta.eus, Euskal Irratiak, Ipar Euskal Herriko Hitza, Herria eta Kanaldude komunikabideek. Agiri horren baitan agertzen da EEP eta Euskal Elkargoaren hizkuntza politikari buruz duten irakurketa.
Euskararen Erakunde Publikoak eta Euskal Hirigune Elkargoak marrazturiko hizkuntza politikaren "anbizio eskasa" egunerokoan "oztopo" dutela dio Ipar Euskal Herriko euskarazko komunikabideak biltzen dituen elkarteak. Gaur egungo laguntzen heina dela eta, beharrak bete ezinean dabiltzala erranik, "finantziazio iraunkorra" galdatzen diete lekuko instituzioei. Salbuespenezko laguntzen ordez "laguntza zuzena" edota publizitate instituzionala euskarazko hedabideei ere bideratzea eskatzen diete Kazeta.eus, Euskal Irratiak, Ipar Euskal Herriko Hitza, Herria eta Kanaldude-k. Gainera, frantsesezko komunikabideekin lehiatu beharrean direla eta, are beharrezkoagoak dituzte finantzazio horiek.
Agiri bidez zabaldu dute beraien irakurketa bateratua, apirilaren 22an Baionan eginen den manifestazioaren karietara. Azterketak euskaraz pasatzeko eskubidea aldarrikatzeko hitzordu garrantzitsua izanen dute larunbat horretakoa eta irakurle, ikusle eta jarraitzaile guztiei luzatu diete bertaratzeko deia.
Euskal Konfederazioak ere kritika bera
Euskalgintzako eragileak batzen dituen Euskal Konfederazioa ere kritiko agertu da EEP zein Euskal Hirigune Elkargoaren hizkuntza politikari begira. Hori horrela, apirilaren 22an karrikak hartzeko deia luzatu du euskalgintzako eragile inportante horrek ere: "Baxoa euskaraz pasatzeko eskubidea eta euskalgintzako elkarteentzat baliabide egokiak aldarrikatzeaz gain, hautetsiei ardurak dituztela oroitaraziko diegu, beren gaur egungo pasibotasuna salatuko dugu eta oihukatuko dugu euskara desagertzen ez dugula utziko".
Martxoaren 31n plazaraturiko azken inkesta soziolinguistikoaren emaitzak esku artean zabaldu du irakurketa hori. "Datu kezkagarriak", proportzioz euskal hiztunen heina ttipitu delako eta euskararen erabilpena ere gutxitu delako duela bost urteko datuei alderatuz.
VII. Inkesta Soziolinguistikoaren arabera, 2021ean Iparraldean bizi diren 16 urte edo gehiagoko biztanleen % 20,1 euskalduna da, % 9,4 euskaldun hartzailea eta % 70,5 erdaldun elebakarra. Kopuru absolutuetan beraz, 51.500 euskaldunak dira, 24.000 euskaldun hartzaileak eta 180.500 erdaldunak.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.