Ipar Euskal Herriko Elkartasun Sarea sortu dute
Covid-19 birusaren epidemia dela-eta bizi dugun isolamendu eta desinformazio egoerari aurre egiteko, Ipar Euskal Herriko Elkartasun Sarea jarri dute martxan hainbat gaztek, "zaintza eta elkartasuna" oinarri. Adierazpen baten bidez azaldu dutenez, koronabirusaren inguruko egia ezagutzea, osasunaren printzipio unibertsala, askatasun politikoaren bermea eta auto-antolakuntza aldarrikatzen dituzte.
Hainbat gazteren ekimenez, martxan da Ipar Euskal Herriko Elkartasun Sarea. "Zaintza eta elkartasuna oinarri", ofentsiba politiko eta ekonomikoak kolpatu eta babesgabe utzi dituen sektoreei sostengua eman asmoz sortu dute sarea. Oraingoz, beraz, "lanean egoera bidegabe bat jasan duten langileei" egin diete dei haien bizipenak jakinaraztera, eta erosketak egiteko laguntza behar dutenei, "zailtasun ekonomiko larriak" dituztenei edota "etxean egoera bortitz bat dutenei" ere luzatu diete Elkartasun Sarearekin harremanetan jartzeko deia.
Dagoeneko, tokian tokiko sareak martxan dira Arberoa eta Garazi euskaldeetan, baita Hendaia, Baiona, Bidarrai nahiz Itsasu herrietan ere. Momentuz, iehsarea@gmail.com helbide elektronikoa erabilgarri dago harremanetan jarri nahi dutenentzat, eta Facebook edo Instagram kontuak ere erabilgarri daude behar dituenarentzat. Kontu horietatik emango dute hartutako neurrien eta jasotako lekukotasunen berri sareko kideek.
Aldarrikapenak
Bestalde, koronabirusaren hedapenak sortutako koiunturaren inguruko gogoeta ere plazaratu du Ipar Euskal Herriko Elkartasun Sareak. Adierazpen baten bidez, batetik, Covid-19 birusaren epidemiaren kausak, dimentsioak eta eraginak argitzea eskatu dute, "ekoizpen eredu honen funtzionamenduaren ondorio" modura ulertzen dutelako koronabirusaren agerpena, naturaren legeetatik at. Hala, langile klaseko kideek egia jakiteko duten gaitasun eza azpimarratua dela azaldu dute, "informazioa ez delako haien eskuetan", ekoizpen eredu kapitalista kontrolatzen duen burgesiaren klasearen eskuetan baizik.
Gainera, ekoizpena nahiz metaketa-prozesua ez eteteak eta burgesiaren interes ekonomikoen berresteak lehentasuna hartzen dio, haien iritziz, osasunari edo langileen beharrei. Izan ere, lanera joatera derrigortzen dituzte langileak, funtsezkoak ez diren jarduera ekonomikoetan barne. Horren aurrean, ordea, "osasuna interes ekonomikoen gainetik" jartzea aldarrikatu du Elkartasun Sareak, "osasun printzipio unibertsala" ardatz.
Salbuespen neurriek, gainera, askatasun politikoak ere desegin izana salatu dute sareko kideek. "Egun batetik bestera, (...) ezin dugu etxetik atera, ezin dugu antolatu, jendarme eta poliziaz inguratuak gira eta sakrifiziorako eta Frantziaren batasunerako deiek betetzen dizkigute belarriak", diote. Askatasun politikoen bermea eskatu dute, hortaz.
Azkenik, "ofentsiba ekonomiko eta politikoaren kontra", "auto-antolakuntza" galdegin dute, "beste oinarri batzuen arabera antolatzea" delako "aterabide bakarra", "interes ekonomiko kapitalisten eta indibidualisten gainetik".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.