Ione Belarra nafarrak hartuko du Pablo Iglesiasen lekukoa Espainiako ministerioan
Ione Belarra (Iruñea, 1987) izango da Espainiako 2030erako Agendaren eta Eskubide Sozialen ministroa, Pablo Iglesiasen lekukoa hartuz.
Ione Belarra Eskubide Sozialen eta 2030 Agendaren ministro izendatuko dute, Pablo Iglesiasek Madrilgo autonomia erkidegoko hauteskundetarako hautagaia izateko bere kargua uztea erabaki ondoren. Yolanda Díazek hartuko du Espainiako Gobernuko presidenteordetza eta Belarrak, Eskubide Sozialen ministerioa. Maiatzaren 4an egingo dira erkidegoko hauteskundeak eta apirilaren 20an utziko du kargua Iglesiasek.
Unidas Podemoseko idazkari nagusiak berak egin du Belarra ministro izendatzeko proposamena, azken urteetan konfiantzazko pertsona bilakatu baita. Politikagintzan sartu aurretik, Gizarte Integrazioan graduatu eta zenbait GKErekin aritu zen lanean, esaterako SOS Arrazakeriarekin. Madrilera joan zen Psikologia ikasketak egitera eta 2012an Madrilgo Unibertsitate Autonomoan litzentziatu zen. Fakultate horretan ezagutu zuen gaur egun Berdintasun ministroa den Irene Montero, ia adinkideak baitira. Unibertsitate horretako eta Hezkuntza Ikerketa eta Berrikuntzarako Zentro Nazionaleko ikerlari lanetan ere aritu da.
Belarra Podemoseko kidea izan da hasiera-hasieratik, hain zuzen ere 2014ko udazkenetik, eta gaur egun Estatuko Herritarren Kontseiluko kidea da. 2016tik azken hauteskunde orokorrak arte, Espainiako Kongresuan diputatua izan da. Unidas Podemosen immigrazio arloko bozeramaile moduan ere hasi zen parlamentuan baina Irene Monteroren amatasun bajan, talde parlamentarioko bozeramaile izan zenean nabarmendu zen gehienbat. PSOE eta UPen arteko koalizio gobernuaren akordioaren ostean, Kongresua utzi eta Eskubide Sozialen Bigarren Presidenteordetzaren taldean sartu zen. Agenda 2030ko estatu-idazkari izendatu zuten.
ARGIAn 2017ko apirilean elkarrizketatu genuen Belarra, Espainiako Kongresuko diputatua zela. Besteak beste Altsasuko gazteen kasuaz, Kataluniaz, Nafarroako Gobernuaz eta Podemosen ibilbideaz aritu zen.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Hagako Nazioarteko Justizia auzitegian epaileak aztertzen ari dira Israelen Gazan egiten ari dena, eta prozesu horretan esku hartzea erabaki du Espainiako Gobernuak. Hala ere, José Manuel Albares Kanpo gaietarako ministroak argitu du ez dutela "parte hartuko... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
Zer egingo du Sánchezek datorren astelehenean? Dimititu edo jarraitu? Hori da Espainiako Estatuan une honetan bolo-bolo dabilen auzi nagusia. Lau egunotan horretaz besterik ez hitz egitea lortuko du Sánchezek. Eta bide batez Manos Limpias, PP-Vox eta lawfare-ari... [+]
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.