Hiru lagun hil dira Sevillan, egoera txarrean zeuden jakiak ahoratzeagatik
Bikote bat eta 14 urteko alaba zendu dira elikagai intoxikazio baten eraginez Sevilla ondoko Alcala de Guadaira herrian. 13 urteko beste alaba ospitaleratu egin dute.
Gertaera hori medio, Andaluziako Juntak osasun alerta dekretatu du, eta osasun teknikariak eta Polizia intoxikazioaren kausak aztertzen ari dira.
Krisiak bultzatuta gizonak iturgin lana galdu zuen, eta familia egoera larrian zegoen. Bizilagunek jakinarazi dutenez, haurrak ikastetxean zeuden bitartean, bikotea kalean bildutako kartoiak, plastikozko kaxak eta arropa saltzen ibiltzen zen diru apur bat lortzeko.
Duela urte batzuk enbargatutako pisu batean bizi zen familia, baina ez zeukaten kaleratze agindurik.
Herritarrek esan dutenez, saltokiek iraungi berri edo iraungitzear zeuden elikagaiak ematen zizkieten sarritan eta hortaz elikatzen ziren. Baina oso eskuzabalak zirela gaineratu dute, dendaren batek elikagaiz betetako kaxa ematen zienean auzoko eta eraikineko beste familien artean banatzen baitzituzten.
Miriam Burgos udaletxeko ordezkariak jakinarazi duenez, “familiak ez zuen zerbitzu sozialik jasotzen, nahiz eta iragan urrian soldata soziala eskatu zuten eta hori lortzeko tramiteetan zebiltzan”.
Herriko Caritas erakundeak adierazi du bi urte baino gehiago zirela bertan laguntzarik eskatzen ez zutela, eta aurretik ere oso gutxitan jo izan zutela haiengana.
Sevillako Alcala de Guadaira herriak 74.000 biztanle inguru ditu eta Caritasek 700 familiei ematen die laguntza, Antonio Muñoz, erakunde horretako herriko koordinatzaileak azaldu duenez. Zenduak bizi ziren auzoko parrokian bakarrik, berrehundik gora sendik jasotzen dute laguntza.
Muñozek gogorarazi du Caritasek iraungitze datarik gabeko elikagaiak banatzen dituela soilik. Gaineratu du herriko familia askok elikagaiak zaborrontzietatik jasotzen dituztela gauez, “lotsa saihesteko”.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.