Entzunezko Argia Saria: Ez gatoz Paristik
Ez gatoz Paristik podcastak jaso du entzunezkoen Argia Saria. Euskaraz diharduten artisten eskubideen defentsan eginiko lanagatik, eta alor horretan dibulgazioan egindako ahaleginagatik jaso du saria podcastak. Lanartea, Euskararen Langile Profesionalen Elkartearen izenean jaso dute saria Amagoia Gurrutxagak eta Harkaitz Canok.
ARGIAk honela arrazoitu du podcastari saria eman izana:
"Izaki asko bizi dira kapitalismoak zedarritutako habitatean, eta oihan horretan, merkatuaren logikak eramaten du egilea, sortzailea, miseriaren adarretan harilkatzera. Baina miseriak azaleratzeko hautua egina dago.
Kultura euskaraz egiten dutenek hartu dute hitza. Ez dira artelanaz mintzo, baizik eta artea egitearen lanaz, lanbideaz, eta lan baldintzez. Prekaritateaz. Burokraziaren atzaparretan harrapatuta daudela diote.
Artistak dira, eta artista izan dira podcastaren produkzioan ere. Mimoz kontatu dizkigute haien eguneroko korapiloak.
Eta mimoz gogorarazi digute artista guztiak ez datozela Paristik".
Euskararen langile profesionalen alde, euskaraz diharduten artisten eskubideen defentsan eginiko lanagatik, eta hain justu ere, kasu honetan, dibulgazio lanetan eginikoagatik jaso du saria Ez gatoz Paristik podcastak.
Amagoia Gurrutxagak pozez hartu du ARGIAren saria, "euskarazko kazetaritzan erreferentziala delako". Ez Gatoz Paristik podcastarekin Lanarteak duen helburua gogorarazi du: "Gure kezkak, lan-baldintzei zein kulturari buruzkoak, gizarteratzeko modu goxo eta eder bat da, kazetaritzarekin uztartuta".
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]
Bost sari banatu ditugu aurten: ikus-entzunezko saria Bizkarsoro filmari eman zaio, prentsa saria Sahara. Herri bat erresistentzian liburuari, entzunezko saria Ez gatoz Paristik podcastari, internet saria gordegia.eus artxibategi grafikoari eta komunikazio kanpaina onenaren... [+]