Interkooperazioa helburu, enpresa parte-hartzaileen ‘Beterri Saretuz’ ekimena martxan da berriz
Ekonomia eraldatzaileko Beterri Saretuz programaren bigarren ikasturteari ekingo diote Beterri-Buruntza eskualdean, enpresetan benetako parte-hartzea sustatzeaz gain, sarera eragile gehiago erakartzeko ezagutza saioak egingo dituzte.
Ekonomia sozial eta eraldatzaileko zutabeetako bat, langileen parte-hartzea lantoki eta proiektuetan, etengabe elikatu beharreko lurra dela jakitun, Beterri Saretuz egitasmoko antolatzaileek bigarren urtez aktibatu dute partaidetzan oinarrituriko ekosistema sortzea helburu duen programa.
Iazko ikasturtean jarri zuten martxan sare hori, parte-hartzearen inguruan kezkaturik zeuden Beterri-Buruntza eskualdeko hainbat enpresa eta eragilek, Gipuzkoako Foru Aldundiaren Ekonomia Sustapeneko, Turismo eta Landa Inguruneko departamentuak eta Beterri-Buruntza Udalek lagunduta. Hainbat jardunaldi egin zituzten, esperientziak ezagutu, elkarren berri izan eta zehar lerro batzuk finkatzeko. Ondorioak Hernanin aurkeztu zituzten 2020ko urrian: parte-hartzea bultzatzeko gida edo gakoak (pdf).
Formazioa, pertsona erdigunean jartzea, elkartasun balioen sustapena, aspektu ekonomikoak eta fiskalak… Asko dira lan-tresna horrek jorratzen dituen gaiak, beti ere ikuspegi eraldatzaile batetik eta lurraldearekiko inplikazioari atxikita.
Urriko jardunaldian, gida aurkezteaz gain, enpresen epe laburreko eta luzeko beharrak zein diren identifikatu zituzten. Hain justu, aurtengo programaren helburuetako bat da behar horietako batzuk asetzen saiatzea, baina baita sarea indartzea ere, elkar ezagutzaren eta interkooperazioaren bidez.
Egitasmoa tokiko erakunde eta zerbitzuei irekia
Sei hilabeteko egitaraua antolatu dute. Alde batetik, eskualdeko eta eskualdez kanpoko hainbat esperientzia ezagutu eta metodologiak partekatuko dituzte, zaintza, jatorri aniztasuna edo izaera kolektiboaren inguruan. Horretarako BDS Koop eraldaketa fabrika, Goierriko Biziola sarea eta Maitelan kooperatiba izango dituzte bidelagun, besteak beste.
Saretzen jarraitzeko jardunaldiak ere egingo dituzte, egitasmo irekia izaki, enpresa eta eragileek Beterri Saretuz-en parte izateko aukera zabalik baitute. Aurtengo programaren asmoetako bat da tokiko erakundeak, enplegu politiketan dabiltzanak, gizarte zerbitzuak eta enpresa komunitarioetako proiektu gehiago erakartzea, haien artean harremanetan jar daitezen, ekosistema egituratzen jarraitzeko eta "bereziki" gonbidatu dituzte eragile horiek.
Lehen jardunaldia otsailaren 11n egingo dute, Usurbilen, sareak formalizatu eta interkooperazioan sakontzeko. Covid-19a dela eta espazio eta segurtasun neurriak bermatzeko lanean dihardute.
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]