“Inor ez da ilegala” aldarrikatuz hasi da Oñatin etorkinei elkartasuna adierazteko astea
Abenduaren 18ko Migratzaileen Nazioarteko Egunaren harira aste osorako egitaraua osatu dute Oñatin. Auzoko, Cear, Elkarzabal, gaztelekua, gaztetxea, Hotz Oñati eta Txipistin eragileek antolatu dituzte ekitaldiak.
100 lagun inguru bildu dira Oñatiko plazan egindako elkarretaratzean, etorkinei elkartasuna adierazi eta “Inor ez da ilegala” leloa aldarrikatuz. CEAR Euskadiko kideak, Oñatiko hainbat eragiletako kideak eta herrian bizi diren hainbat etorkin bertaratu dira.
Urriaren 14an Sahara hegoaldetik 37 etorkin iritsi ziren Oñatira. Orduan, 200 herritar inguruk ongi etorri beroa egin zieten errefuxiatuei.
Ume etorkinek marrazki eta mezuen bidez mural bat osatu zuten, Oñatira iristeak beraientzat suposatzen duena modu original batean adierazteko. Ondoren, bertaraturiko jende gehiagok parte hartzeko aukera izan zuen. Guztien ekarpenez beteriko murala plazako txoko batean jarriko dute.
Herritarren bozeramaile batek Oñatin “ongi etorriak” direla eta noizbait “guztiok” etorkin izan direla nabarmendu zuen. Errefuxiatuek hitza hartzean, itsasoa zeharkatzen bidean geratu diren lagun guztiak oroitu zituzten.
Asteburuan ekitaldi gehiago ere antolatu dituzte: herrialde desberdinetako janariz egindako bazkari eta merienda, Oñatira migratu zuen herritar baten solasaldia, jatorri anitzetako pertsonen hitzaldiak eta Marokoko bizkotxoa egiteko tailerra besteak beste.
Elkarretaratzeko argazki gehiago (Antixena Gaztetxearen irudiak):
Egitarauaren kartela:
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Kanporatze agindu mehatxua gainean du Moussa txantrearrak. Bizilagunak bildu dira prozesuari aurre egiten laguntzeko.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.
Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.
Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.
Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.
Aspaldian sarri ikusten dut kalean Inor ez da ilegala aldarria. Poltsan idatzita ez bada, jertsean; eta jertsean ez bada, kamisetan. Kolore askotan. Kolore guztiek, edozein izanik ere, eduki beharko baikenituzke eskubide berak. ARGIAk eta Mbolo elkarteak duela lau urte hasitako... [+]
Denda fisikoetara egin du salto Inor ez da ilegala proiektuak eta Euskal Herriko bost hiriburutan eskuratu ahalko ditugu.
Sekula pentsatu duzu, irakurle, non serigrafiatzen diren Inor ez da ilegala edo Lurra herriari deika proiektuetako kamiseta, jertse eta poltsak? Artizar serigrafia dugu honetan bidelagun.
Maiatzean, patera batean heldu zen Kanaria uharteetara. Frantziara gurutzatu nahi zuen familia kide batekin elkartzeko asmoz. Hiru hilabetetan, Gipuzkoa eta Lapurdiren arteko mugan hil den hirugarren pertsona da Coulibaly.