Inoizko postu gehien egongo dira larunbatean Hernaniko Liburu eta Disko Azokan
Doinuele euskara hutsezko plazen sareko hurrengo hitzordua irailaren 30ean izango da, Doberaren eskutik, 11:00etan hasita. Zenbait idazlek liburuak aurkeztuko dituzte, tartean Jakoba Errekondok eta Garbiñe Larreak. Bertso saio literarioa eta kontzertua ere egongo dira.
Irailaren 30ean egingo dute Dobera euskara elkarteak antolatutako Hernaniko III. Liburu eta Disko Azoka, 11:00etatik 14:30era eta 17:00etatik 19:30era, Atsegindegi plazan. Antolatzaileek iragarri dute orain arteko postu gehien egongo direla aurten, eta hainbat ekitaldi eta aurkezpen ikusteko aukera egongo dela.
Aurtengo berrikuntzak izango dira, batetik, liburuez gain diskoak ere salgai egongo direla, eta bestetik, Doinuele euskara hutsezko plazen sarearen egitarauaren barruan prestatu dutela eguna. Martxoan aurkeztu zuten Doinuele zortzi herri edo ekimenetako kideek, euskarazko literatura eta musikagintza sustatu eta euskarazko publikoari plaza zabala eskaintzeko asmoz.
Liburu aurkezpenak eta kontzertuak
Orotara hamazazpi postu egongo dira, tartean ARGIAkoa. Gainerakoak hauek izango dira: Dobera, Alberdania, Susa, Katakrak, Txalaparta, Pamiela, 1545, Elkar, Erein, Igela, Kantaita Enea, Gaitzerdi Estudioa eta Zapotxin, Herrima, Harriet, Hernani Errotzen eta Hernaniko musikariak.
Bizi Baratzeko bi aurkezpen eskainiko dituzte egileek, 12:00etan: Jakoba Errekondok Ilargia eta landareak 2024ko agenda, eta Garbiñe Larreak Sendabelarren baratzea. Egun osoan egongo dira euskal literatura eta musikagintzari lotutako emanaldiak, besteak beste, ipuin kontaketa musikatua, disko eta liburu aurkezpenak. Azoka ixteko 18:00etan bertso saio literarioa eskainiko dute Oihana Arana, Maddi Ane Txoperena eta Maialen Akizuk, eta 19:00etan Karena taldeak kontzertua emango du. Azokak irauten duen bitartean haurren txokoa egongo da, txikienentzat.
_pages-to-jpg-0002.jpg)
Atzo hasi eta bihar bukatuko da Geure Gelatik azoka, Azkoitian. Emakumeen literatura oinarri duen euskarazko azoka da. Aurten, Jasone Osoro izango da omendua.
Abuztuaren 31era arte egin daiteke postua jartzeko eskaera. Aurten diskoak saltzeko aukera ere egongo da, lehen aldiz. Emanaldi eta aurkezpenak iragarri dituzte antolatzaileek. Dobera euskara elkarteak antolatzen du euskara hutsezko azoka, eta orain, Doinuele Euskarazko Plazen... [+]
Joan den ekainaren 3an egin zen Ziburuko 4. Euskal Liburu eta Disko Azoka eta antolatzaileek –Baltsan Elkartea eta ARGIA– balorazio orokorra egin dute. Azoka handituz joan da bere erritmoan, urratsez urrats, urtetik urtera baieztatuz 2019ko hastapen hartan... [+]
Martxoaren 24 eta 25ean egingo da Geure Gelatik liburu azoka Azkoitian. Emakume idazleen azken bi urtetako ekoizpena ezagutu ahal izango da bertan, bai herriko liburu dendek hornituko dituzten mahaietan itzulitxoa eginez, eta baita hitzaldi, mahai-inguru eta fomato berezietan... [+]
Euskara hutsezko liburu eta diskoen azokek eta ekimenek indarrak batu dituzte: Doinuele sortu dute guztien artean, Euskarazko Plazen Sarea. Oraingoz, zortzi herri edo ekimenek osatzen dute sare hau eta gaur elkarrekin aurkeztu dute Bilbon aurtengo ekitaldien egutegia. Euskal... [+]
Gerriko kultur elkarteak antolatuta, urteroko azokarekin hitzordua dute lazkaotarrek, abenduaren 16,17 eta 18an. Musika emanaldiak, tailerrak eta buruhandiak ere izango dira asteburuan.
Frankfurteko liburu azokan Espainia herrialde gonbidatua izango zela jakindakoan martxan jarritako Beyond Spain ekimena antolatzen aritu da azken hilabeteetan Petra Elser. Hitzaldiak, mahai-inguruak eta irakurraldiak egin dituzte, besteak beste. Itzultzailea da Elser, Euskal... [+]
Zein da Etxepareren egitekoa Frankfurtekoa bezalako azoka baten?
Gure egitekoa orokorrean ez dago merkatuaren eremuan. Hor badaude profesionalak, kasu honetan editoreak, autoreak, itzultzaileak… sistema oso bat. Frankfurteko azoka, hain zuzen, eskubideen salmenta eta... [+]
Europako liburu azoka handienak milaka bisitariren, mundu osoko argitaletxeen eta editoreen, eta bertaratu diren euskaldunen arreta piztu du urriaren 19tik 23ra Frankfurten. Kontinenteen pabiloien artean, Asturias, Galizia, Katalunia eta Euskal Herriko idazle, ilustratzaile eta... [+]
Frantzian bereziki, baina mundu erdian barrena ibiltzen da Aritz Otazu XVI. eta XVII. mendeetako liburuen bila. Nafarroako eta Euskal Herriko historia ezagutzera ematea da bere pasioa eta zuzentzen duen Mintzoa Argitaletxearen xedea. Mintzatzen ematen du egun osoa: bezeroekin,... [+]
Urtero bezala, Durangoko Azokan aurkeztutako nobedadeak aurki daitezke azoka honetan ere. Arrantzale Auzoan izango da abenduaren 13a arte, goizez 11:00etatik 14:00etara eta arratsaldez 16:30etati 20:30etara. Eta %10eko beherapen edo deskontuarekin gainera.
Ekainaren 1ean Ziburuko plaza bete zuten hamazazpi argitaletxeetako lanek. Batez ere ingurukoak eta Euskal Herriko hainbat herritatik joandako euskaltzaleak aritu ziren eguzki galgatan euskarazko komiki, liburu, disko eta bestelako gaiak ikusten. "Lehen urtea baizik ez da,... [+]
Maddi Zubeldia Arozena, Baltsan elkarteko kidea da, idazlea eta kantaria: "Ziburuko euskal liburu eta disko azoka Argia aldizkariarekin bat egitea naturala iruditu zaigu, balore berak partekatzen baititugu, euskaldun, solidario eta burujabe, txikitik eraginez", erran... [+]