Jendetza parte hartzen, eta jendetza animatzen. Bidean, musika eta aldarrikapenak nagusi.
Milaka emakumek hartu dituzte Donostiako erdiguneko kaleak. Eguraldi ona lagun, giro atsegin eta alaiaz gozatu ahal izan dute 31. Lilatoian. Goizeko hamar eta erdietan hasi da lasterketa, baina aurretik ere jendetza ibili da Bulebarreko irteera eta helmugaren inguruan. Batzuk Kontxa eta Alderdi Eder ingurura joan dira beroketak eta luzaketak egitera; beste batzuek zumba beroketa saioan parte hartu dute; eta ia denek talde, familia eta kuadrilla argazkiak egin dituzte. Ez dute egun hau ahaztu nahi. Urduritasuna, ilusioa, poza eta zirrara nabaritzen zen korrikalarien aurpegietan.
Giroa berotzeko, irteeran Ibarrako Soka-Tira taldeko emakumeen erakustaldia egin dute. Lilatoiak omendu egin ditu, herri kiroletan ari diren emakumeen ordezkari gisa. Ondoren, handbike modalitateko bi parte hartzaileak atera dira: Ane Asensio oiartzuarra eta Ruth Alvarez donostiarra. Haien atzetik atera dira beste korrikalariak, inoizko Lilatoirik jendetsuenean. Halere, espero baino gutxiagok egin dute lasterketa: 6.500 emakume inguruk eman zuten izena, baina azkenean 5.576 iritsi dira helmugara.
Lehen korrikalariak lasterketa hasi eta 18 minutura iritsi dira: Ordiziako Izaro Rubio beteranoak gurutzatu du helmuga marra aurreneko postuan, eta haren ondoren iritsi dira Iratxe Aranburu zarauztarra eta Nerea Egia donostiarra. Handbike modalitateko Ane Asensio eta Ruth Alvarez 24 minutu inguruko denbora egin dute; elkarrekin iritsi dira helmugara. Sailkapen osoa ikus daiteke Lilatoiaren webgunean.
Jendetza parte hartzen eta jendetza animatzen. Maddi Garmendia esatariak eztarria urratu arte animatu ditu Lilatoiko parte hartzaileak, eta ederki girotu du lasterketa guztia. Bidean, musika eta aldarrikapenak nagusi. Besteak beste, Lilatoi feministago baten aldeko performance bat. Lilatoiaren aldarri feminista berreskuratu, eta kirol eremuko arau normatibo eta heteropatriarkalak apurtu nahi dituztela adierazi dute.
Azken sei urteetan bezala, Donostiako Atleticok hartu du asterketa antolatzeko ardura –1990. urtean sortu zen, Donostiako Koordinakundea Feministaren ekimenez, eta 146 parte hartzaile izan zituen lehen aldi horretan–. Geroztik, urtez urte handitu da parte hartzea.
Aurten, Zumaiako taldeak jaso du talde handienaren saria. Denera 151 emakumek eman dute izena, Zumaiako Emakumeon* Etxearen izenean. Bestalde, HITZA taldeak 10 urte bete ditu, eta 103 emakume atera dira korrika Irutxuloko Hitzak diseinatutako kamiseta arrosarekin.
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Emazte batek zendua den euskal idazle eta poeta bat akusatzen du, abusuak egin zizkiolakoan, eskolan zebilen nerabe garaietan. Erbia kitzikatzea, arrazoi du Gorka Bereziartuak. Beste edonor izan balitz, afera ez zen isilik geldituko, feministak eta ni barne, salaketategi... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Maiatzean Elena Quispe Tincuta (El Alto, La Paz, Bolivia, 1998) eta Cecilia Llusco Alaña (El Alto, La Paz, Bolivia, 1985) txolita eskalatzaileak Hego Euskal Herriko hiriburuetan izan ziren Cholitas dokumentala aurkezten Alboan, Entreculturas eta Oxfam GKEen ekimenez... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.