Korsikak autonomia legegilea eskatu dio Parisi, inoizko babesik zabalena lorturik
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha Giacometti-Piredda.
Frantziako Gobernuari begira, eskaera bateratu bat adostu dute Korsikako abertzaleek: autonomia legegilea galdetu dio irlak Parisi. Batasun hori bera da historikoa, ikusiz abertzaleen artean dituzten desadostasun eta gatazka gogorrak –dela autonomisten eta independentisten artean, zein autonomia heinari buruzko postura ezberdinen artean–. Testuaren garrantziaz jabeturik, ondokoa adierazi zuen gobernuburu abertzale Gilles Simeonik testua izenpetu eta berehala: "Txosten hau gurea da, gu denona. Baina zera esateko gogoa dut: jada ez dela gurea. Hamarkadotan herri hau aitortua izan dadin borrokatu direnena da".
Deliberazioaren idazketa fasean ere ahots ezberdinak kontuan hartuak izan dira, nahiz eta beti erraza ez izan: Femu a Corsica taldeko Simeonik idatzi du PNC alderdi autonomistako Jean Christophe Angelinirekin eta Core in Fronte talde independentistako Paul-Felix Benedettirekin batera, eta Corsica Liberako Josepha Giacometti-Pireddaren eta eskuineko Un Soffiu Novuko Pierre Ghiongaren ekarpenak ere bere egin dituzte. Azkenean, Giacometti-Piredda abstenitu da, "anbiguotasun gehiegi" dituelako testuak eta eskuineko Ghiongarek, ordea, alde bozkatu du –eskuineko beste hamasei ordezkariak aurka kokatu dira–. Eskuinak osatzen du Korsikako asanbladako oposizioa, eta horiek edo jakobinoak edo erregionalistak dira.
Parisekin finkaturiko egutegia
Autonomia hein zabalenaren inguruko adostasuna lortzea izan da korsikar abertzaleen erronka. Lortu dute Korsikak Asanbleak autonomia legegilea biltzen duen estatutu bat eskatzea Frantziako Estatuari, ondoko eskakizunak zehaztuz testuan: Korsikako herriaren aitortza, korsikeraren koofizialtasuna eta egoiliar estatusa. Deliberoan, ibilbide konstituzional bat proposatu dute –titulu bat Frantziako Konstituzioan, estatutua biltzen duen lege organiko bat eta korsikarrak erreferendum bidez kontsultatzea–. Aldaketa politiko horri dagokionez, autonomia estatutua "progresiboki" sartuko litzateke indarrean, Parisekin finkaturiko egutegi baten bitartez.
"Testu hori inportantea da, oroitarazten digulako zer den benetako autonomia bat, eskumen legegilea jasotzeak dakar autonomia", dio Simeonik CNI komunikabide korsikarrari eskainitako elkarrizketan. Dioenez, eskatzen duten guzia erabat konstituzionala da.
"Estatuak elkarrizketari, prozesuari eta, beraz, sufragio unibertsalari atea ixten badio, ondorioak aterako ditugu eta beste fase politiko batean egongo gara"
Korsikako Asanbleako presidentea
Ikusteke dago orain zer nolako erantzuna emanen dien Emmanuel Macron Frantziako presidenteak. Urtero bezala, uztailaren 14an mintzatzekoa da, besteak beste, Konstituzioaren eta erakundeen erreformaz, eta, kari horretara hitz egin beharko luke Korsikaren etorkizun instituzionalaz ere.
Simeonik dio orain gobernuaren esku dela gatazkari buruzko aterabide politikoa: "Korsikaren eta korsikarren aldetik prest gaude. Gure argudioekin iritsi gatzaizkio, zilegitasuna ematen diguten txosten eta proposamenak dauzkagu. Gobernuak eta estatuak arrakasta nahi badute, haiei dagokie erantzuna ematea. Uztailaren 14ko epea dago. Estatuak elkarrizketari, prozesuari eta, beraz, sufragio unibertsalari atea ixten badio, ondorioak aterako ditugu eta beste fase politiko batean egongo gara".
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.
Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]
Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]
Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.
Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.
21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.
Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.
Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.
ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]
Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]
Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]