Inoiz ez bezalako aukera
UPNk iragan igandean egin zuen kongresuaren ondoren Kike Diez de Ultzurrunek Nafarroako egoera politikoari buruzko analisia eskaini digu. Bere uste UPN eta PSN hondoratu egingo lirateke hauteskundeak orain eginez gero: sekula eztako aukera zabaldu da Bildu, Geroa Bai eta Ezkerrarentzat.
“Yolanda Barcinak gaur galtzen badu, bozak izanen dira, eta baliteke gaiztoak gobernura iristea; hori gertatuko balitz, ni Jakara joanen nintzateke bizitzera, Nafarroan zergarik ez ordaintzeko”. Horra hor Ollarrak UPNren Biltzar egunean Diario de Navarran (non bertzela?) idatzitakoa. Hori aski izan zen, zalantzan zeuden biltzarkideen botoa Barcinaren alde makurrarazteko.
Barcinak, azken finean, antzekoa errana zuen aurreko egunetan; hau da, bera galtzaile ateraz gero, gobernua arriskuan egonen zela. Gobernuari esker bizi diren UPNko kideek ez zuten zalantzarik izan, eta direnak eta ez diren guztiak joan ziren bozka Barcinaren alde ematera. Baten bat ospitalean zegoen, eta taxi bat bidali zuten haren bila, eta biltzarrean agertu zen, sudurreko zunda eta guzti, Barcinaren alde bozkatzeko.
Barcinak, azkenean, % 51 eskuratu zuen, eta duela lau urte, aldiz, % 89. Emaitzen ondotik, batzuek eta besteek batasunaren aldeko mezuak eman zituzten. Oholtzatik, Barcinak dei egin zion Alberto Catalani agertokira igotzeko; corellarrak, ordea, ezezko borobila eman zion. UPN bitan hautsita, kontua da Gobernuari eutsiko dion ala ez. PSNek, jakina, Catalanek irabaztea nahi zuen, harekin akordioa egiteko eta, gobernuan, Barcinaren ordez Catalan bera jartzeko.
Sozialistek kazetarien aurrean erran dute ez dutela konfiantzarik Barcinarengan, eta dimisioa eman beharko lukeela, baina ez dute zentsura-moziorik babestuko, ezta oposizioko gainerako alderdiek Ezkerra taldeko parlamentariren bat presidentegai aurkeztuta ere. Azken aukera hori hizpide izan da oposizioko alderdien arteko bileretan, zertarako eta, behin gobernura iritsitakoan, hauteskundeak deitzeko.
Baina PSNri ez zaizkio bozak komeni; ezta UPNri ere, jakina. Roberto Jimenezek doi-doi % 60 lortu zuen duela urtebeteko nafar sozialisten kongresuan, eta hori Nafarroako Kutxako dieten eskandalua plazaratu aurretik. Bozak orain eginen balira, PSNk inoizko emaitzarik kaskarrenak eskuratuko lituzke, eta UPNk edo eskuindarrek ere bai.
Bertzela erranik, Bilduk, Geroa Baik eta Ezkerrak gehiengo osoa lor dezakete Nafarroan, eta horrelako aukerarik ez da sekulan santan izan; horrenbertzez, ez bada dieten soka luzetik edota CANen afera ilun eta itsusitik bertzelakorik ateratzen, PSNk txintxo-txintxo joko du egungo erregimena habetzera, beti egin duen moduan, bai eta hauteskundeak ahalik eta gehien atzeratzera ere.
Rubalcabak, adibidez, oso argi utzi zuen hori lehengoan Iruñean, Barcinarekin besarkatzera etorri zenean; Barcinaren gobernutik Iruñean lizentzia lortu duen SER irratiaren bedeinkazio guztiekin, gainera.
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]