Innovaraba proiektuaren aurkezpenak aurrez aurre jarri ditu erakundeak eta sindikatuak
Innovaraba jaio da, Baskonia-Alaves taldeak Euneiz unibertsitatearen inguruan bultzatutako proiektu integral handia. Europa Jauregian aurkeztu dute euskal erakundeen babesarekin, eta bitartean, gehiengo sindikalak protesta egin du kanpoaldean.
Azken hilabeteetako ikusminaren ostean, iritsi da Euneiz unibertsitate pribatuaren inguruko proiektuaren aurkezpena. Innovaraba errealitate bat da dagoeneko, eta asmo handiko unibertsitate proiektu bat baino askoz gehiago izango da, Josean Kerejetaren Baskonia-Alaves taldeak ezagutzera eman dituen xehetasunen arabera. Euskal erakundeek aho batez babestutako proiektuak osasunaren, kirolaren, prestakuntzaren, ekintzailetzaren eta teknologia berrien arloan nazioarteko erreferente bihurtzeko helburua izango du.
Salburuko 15. sektorearen inguruan kokatutako Innovaraba proiektuak zortzi ardatz izango ditu: Euneiz Unibertsitateaz gain, enpresa sortu berrientzako Hegan startup azeleragailua, nazioarteko futbol akademia, nazioarteko ikastetxea, gazte kirolarientzako garapen eta teknifikazio zentroa, ikasle eta kirolarientzako egoitza (300-350 gazterentzako lekuarekin), eta, azkenik, ikerketa eta kirol medikuntza zentro bat. Azpiegitura horiei Bakh kirol eta aisialdi zentroa handitzeko proiektua gehitu behar zaie.
Proiektuaren bultzatzaileen esanetan, "eragin positiboa izango du euskal ekonomian, eragin sozioekonomiko nabarmena izango du lurraldean eta zuzeneko zein zeharkako 750 lanpostu inguru sortuko ditu".
Gutxienez 64 milioi euroko inbertsio pribatua aurreikusi dute, eta, horrez gain, tokiko erakundeen lankidetza publikoa ere izango du. Hala ere, Baskonia-Alaves taldearen arabera, finantzaketa publikoa "soilik eta esklusiboki" Hegan ekintzailetza zentroa sortzeko eta enpresa garapenari laguntzeko izango da.
Euneiz unibertsitatea
Innovaraba proiektuaren zutabe nagusia Euneiz (European University of Vitoria-Gasteiz) izango da, %100ean kapital pribatuarekin finantzatutako unibertsitatea. Aurreikuspenen arabera, 2022-23 ikasturtean hasiko da eta lau urteko bost unibertsitate gradu eskainiko ditu:
- Eduki digital interaktiboak.
- Bideojokoetarako eta joko aplikatuetarako arte sorkuntza.
- Musika ekoizpena.
- Jarduera fisikoaren eta kirolaren zientziak.
- Fisioterapia.
Halaber, hiru master ofizial eskainiko ditu, baita graduondoko ikastaroak, jardunaldiak eta jarduera osagarriak ere.
Hegan ekintzailetza zentroa
Unibertsitatearekin batera, Hegan izeneko enpresen azeleragailua ere sortuko dute, Gasteiz eta Araba ekintzailetzarako erreferentzia bihurtzeko asmoz. Arabako instituzioen ustez, "industria-sarea eraldatzeko tresna" izango da, "lurraldeak lehiakorra izaten jarrai dezan". Izan ere, inbertsio publiko osoa proiektu honetara bideratuko dute.
Hegan "irabazi asmorik gabeko proiektu" gisa aurkeztu du bere burua, eta Baskonia-Alaves taldeaz gain, erakundeek eta lurraldeko beste eragile eta enpresa batzuek osatutako fundazio batek kudeatuko du.
Sindikatuen kritikak
Europa Jauregiaren barruan Baskonia-Alaves taldeak eta erakundeek Innovaraba proiektua aurkezten zuten bitartean, LAB, STEILAS, ELA, CCOO, CGT eta ESK sindikatuek, Ernai eta EHUko Ikasle Kontseiluarekin batera, elkarretaratzea egin dute euren ustez "irabazio asmoko unibertsitate pribatu elitista" den proiektua arbuiatzeko.
"Kezka handia" agertu dute, "unibertsitate publikoari egindako diru ekarpenak nahikoak ez diren bitartean, unibertsitate pribatuei gero eta erraztasun gehiago" ematen zaielako, eta "gero eta diru publiko gehiago" bideratzen zaielako. Horrekin batera, hainbat kritika egin dizkiote proiektuari: besteak beste, euskal unibertsitate sisteman dauden titulazioak "bikoiztu" egingo dituela eta EHUrekin "lehian" sartuko dela, kontratatuko dituen langileen lan baldintzen berri ematen ez duela, eta euskarak bere hezkuntza planen barruan izango duen eragina argitzen ez duela.
"Euneiz bezalako proiektuekin politikari batzuk unibertsitate sistema publikoaren desegitea ahalbidetzen ari dira, herritarroi bizkarra emanez", gaineratu dute sindikatuek, ohar bateratu baten bitartez. "Hezkuntza unibertsitario publikoaren defentsan, Euneiz geldiarazi", aldarrikatu dute.
David Rodriguez bozeramaileak ohartarazi duenez, jarduerak “eragin larria izango du Salburuako hezeguneetan, bertako floran eta faunan”.
Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]
Ikasturtea hasi dute dagoeneko Gasteizko Euneiz unibertsitate pribatuan (110 ikaslerekin), baina astearte arratsalde honetan egingo dute inaugurazio instituzionala, Gasteizko alkatea, Arabako ahaldun nagusia eta Espainiako Gobernuaren ordezkaria bertan direla. Hasieratik... [+]
Eusko Jaurlaritzak jardunean hasteko baimena eman dio egoitza Gasteizen duen Euneiz unibertsitate pribatuari. Espainiako Gobernuaren Unibertsitateen Ministerioaren baimena lortuz gero, 2022-2023 ikasturtetik aurrera martxan hasiko litzateke.
EAJ-PNV, PSE, PP-Ciudadanos eta VOX alderdiek egin dute legearen alde eta, besteak beste, egitasmo pribatua diru publikoz finantzatzea ahalbidetzen du.
EHUko errektore izan zen 2009-2017an. Ez da lar esatea Juan Inazio Perez Iglesiasen eta Iñaki Goirizelaiaren artean ezarri zituztela oraingo gure unibertsitate publikoaren zimentarriak, haien gainean jarri dutela beren alea ondoko bi errektore Nekane Balluerkak eta Eva... [+]
EAJ, PSE, PP-C’s eta Vox alderdiek babestu dute, eta Elkarrekin Podemos-IUk eta EH Bilduk aurka bozkatu dute. Azken horrek argudiatu du ezin dela funts publikoen bidez finantzatu irabazi asmoa duen unibertsitaterik.
Unibertsitate publiko bezala, EHUri kezka sortzen dio Gasteizen irekiko duten Euneiz unibertsitate pribatuak, “baina kontua ez da unibertsitateek zer pentsatzen duten, herriak zer iritzi duen bizik, herri bezala zein sistema unibertsitario eredu nahi dugun”, adierazi... [+]
European University of Gasteiz, Euneiz, unibertsitate pribatua badator, edo ez. Josean Kerejetaren Baskonia-Alaves taldeak, Gasteizko Udalak, Arabako Diputazioak eta Eusko Jaurlaritzak osatu duten aliantza indartsua dirudi –eta hala ageri da hedabide nagusietan–,... [+]
Unibertsitatea martxan jartzeko lege-proiektua martxoan onartu zuen Eusko Jaurlaritzak, eta irailean berretsi behar zuen legebiltzarrak. Baina Espainiako Gobernuak dekretu bidez gogortu ditu hezkuntza zentroak unibertsitate kontsideratzeko bete beharreko gutxieneko baldintzak,... [+]
Euneiz unibertsitate pribatuak ez lituzke soilik gradu ikasketak eta ikasleentzako egoitzak bultzatuko, Saski Baskonia eta Deportivo Alavesen jabearen proiektua izaki, klub horien hainbat instalazio handitzea ere aurreikusten du enpresa-taldeak, "kirol turismoa"... [+]
European University Gasteiz (EUNEIZ) unibertsitate pribatuko presidenteak martxan jarri nahi duten proiektuari buruzko azalpenak eman ditu Eusko Legebiltzarreko Hezkuntza Batzordean. Adierazi du ez dutela dirulaguntza publikorik jasoko, 400 postu baino gehiago sortuko dituztela... [+]
“Hainbat trikimailu” erabiliz, Eusko Jaurlaritzak eskola pribatuaren aldeko apustua eta politikak bultzatzen dituela salatu du STEILAS sindikatuak. Pribatizazio prozesua Haur Hezkuntzako lehen zikloan hasi eta unibertsitateraino luzatzen dela salatu du, eta horren... [+]
