Inkesta bat abiatu du Bagira-k, Ipar Euskal Herriko proiektu abertzalea kolektiboki definitzeko asmoz
40 galderaz osatua da galdeketa, eta azken urteetako bilakaeraz, abertzaletasunaren oinarriez, epe ertaineko helburuez eta antolaketa-helburuei buruz herritarrek dituzten ekarpenak biltzea da Bagira-ren xedea. Ipar Euskal Herriko abertzaletasuna "birfundatzea, indartzea, eta egungo erronkei helduz beste 60 urteko ibilbidea egiteko oinarriak jartzea" ditu Bagira kolektiboak helburu.
Ipar Euskal Herriko mugimendu abertzaleak 60 urte betetzen dituen urtea izanik, iraganari begiratu eta gaur egungo behar eta desioetatik biharko proiektu abertzalea marraztea du xede Bagirak. Lehen fase batean herritarren eta belaunaldien arteko transmisio historikoa landurik, bigarrenari lotu dira: inkesta bat zabalduko dute ondoko egunetan. Abertzale identifikatzen den ororen iritzia jasotzea dute helburu: "Betiko abertzaleak, berriki hurbilduak, militanteak, aldekoak... Helburua da egin ahala jende galdekatzea", Anita Lopeperen hitzetan.
Ipar Euskal Herriko abertzaletasuna "birfundatzea, indartzea, eta egungo erronkei helduz beste 60 urteko ibilbidea egiteko oinarriak jartzea" ditu Bagira kolektiboak helburu. Maiatzaren 3an egindako prentsaurrekoan errandakoari segi, ondoko galdera sakonak dituzte landu nahi: "Zer da abertzaletasuna XXI.mendean? Zeintzuk dira Ipar Euskal Herriko mugimendu abertzaleak erdietsi beharreko helburu nagusiak epe ertainean? Nola antolatu helburu horiek elgarrekin lortzeko? Zeintzuk dira gaur egungo Mugimendu Abertzalearen indargune eta ahulguneak?"
Aztiker Ikergunea kooperatibaren laguntzaz bideratu dute galdeketa. Inkestan parte hartzeko, izena eman behar da ondoko loturan: https://labur.eus/bagiraemaila –hala ere, jakin anonimoki erantzuten dela galdeketari–.
Aberri Egunaren balorapen "biziki baikorra"
Bi egunez, 3.000 lagun elkartu ziren Itsasun aurtengo Aberri Egunaren kari. Balorapen "biziki baikorra" egiten du Bagirak: "Elkarrekin Euskal Herria burujabe, solidario, justu, feminista eta euskalduna eraikitzeko borondatea dutenak bildu ziren bertan". Oroitarazi dute, Aberri Eguneko manifestaldiaren bukaeran irakurritako eta 60 abertzalek izenpeturiko izan ginen, bagira, izanen gira adierazpenak "mugimendu abertzaleak gerora begiratu eta biharko Euskal Herria eraikitzeko duen engaiamendua berretsi" zuela.
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Nafarroa Behereko zati bat, Zuberoa eta Biarnoko zati bat hartzen dituen laugarren hautesbarrutian %73ko parte-hartzea izan da (Frantziako estatukoa %65,5). Ezkerreko Fronte Popular Berriko Iñaki Etxaniz nagusitu da bozen %38,01ekin. Eskuin muturreko Batasun Nazionaleko... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.
Bigarrenetik seigarren postura erori da Berdeen alderdia Ipar Euskal Herrian, Europar legebiltzarreko hauteskundeetan. 2019ko hauteskundeen datuekin alderatuta, 10.000 boz galdu dituzte; hots, %17tik %7ra pasa dira.
Lapurdi, Nafarroa Beherea eta Zuberoako herri gehienetan nagusitu da Batasun Nazionala, Pirinio Atlantikoetako Departamentuko prefekturak emandako datuen arabera. Nagusitasuna ia erabatekoa da Lapurdin.
Jean René Etxegaraik Peio Etxeleku baztertu du Errobi lurraldeko arduretatik. Etxeleku Kanboko hautetsia eta EAJren Ipar Buru Batzarreko lehendakaria da. Joan den astean Hirigune Elkargoko buruak jakinarazi zuen poloko hamaika auzapezetatik seik galdegin ziotela... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
Mende erdia bete da Enbata legez kanpo ezarri zutenetik. Frantziako gobernuak Enbatak Hego Euskal Herriko ETA erakunde armatuarekin zuen balizko lotura ezarri zuen estakuru bezala. Horren ondorioz,Ipar Euskal Herriko lehen mugimendu abertzalearen azken kideak HAS Herriko Alderdi... [+]
Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]
Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.
Bagira prozesuak Ipar Euskal Herriko mugimendu abertzaleak etorkizunera begira hartu beharreko orientabideen inguruko gogoeta egin du, eta ondorio nagusiak aurkeztu berri ditu. Inkesta 1.500 pertsonak erantzun dute. Mugimenduaren erronka nagusi izango diren bost gai zehaztu... [+]