“Ez dakit asmatu dugun esplikatzen zergatik hartu ditugun hartutako neurriak”
Politika Orokorrari buruzko Eusko Legebiltzarreko oso bilkuran, EAEko lehendakariak autokritika egin du pandemiaren kudeaketaz, eta “egoera berria eta ezezaguna” izan dela jarri du akatsak egiteko arrazoien atzean.
Eusko Legebiltzarreko ikasturteari hasiera ematen dion Politika Orokorrari buruzko ostegun honetako Osoko Bilkura, Iñigo Urkullu Eusko Jaurlaritzako lehendakariak abiarazi du, bere hitzaldiarekin. Lehendakariak Covid-19ak sorturiko egoeraren aurrean izandako hainbat jokabide eta hartutako neurrien inguruan, autokritika tonuaz hitz egin du lehenik: “Aitortu behar da agintariok ez dugula denetarako erantzunik, eta horrelako egoera batean, proba-errore metodoarekin jardun dugula” , adierazi du. “Akatsez” hitz egin duen arren, neurriak desegokiak izan ote diren baino, horiek ez direla ondo ulertu ondorioztatu du: “Ez dakit asmatu dugun esplikatzen zergatik hartu ditugun hartutako neurriak”.
Kirol-zelaietan aforoa %30etik %60ra igotzeko EAEko Auzitegi Nagusiak emandako epaiaren ostean, halakoak “errespetuz” hartuko dituztela azaldu du eta “osasun publikoa” bermatzeko lanean jarraituko dutela. “Covid-eklipsea”-ren ondorengo faseko susperraldi ekonomikoaren eta aurrekontuen inguruan hitz egin du horren jarraian.
Subiranotasunetik 1839ko foruetara
Erabakitzeko eskubideaz ere mintzatu da EAEko lehendakaria, ez hitz horiek erabiliz, baizik eta mende eta erdi atzera egin eta 1839an foruak abolitu zituen legeak behin betikoz indargabe utzi eta “1839 aurreko burujabetzara itzultzea” defendatuz.
Kontzertu Ekonomikoaren eredutik abiatuta Euskal Kontzertu Politikoaren aldeko defentsa sutsua egin du Urkulluk: “Itun berri bat lortzeko aukera dugu, gure errealitate nazionala, euskal autogobernuaren berezitasuna, Estatuarekiko aldebiko harremana finkatzen duena”, esan du. Horretarako Eusko Legebiltzarrean autogobernuaren inguruko “kontsentsu irmo” bat adostu beharko litzateke bere ustez.
Pandemia “bakarrik kudeatu”
Oposizioaren txandan, Maddalen Iriarte EH Bilduko bozeramaileak lehendakariari leporatu dio pandemia “bakarrik kudeatzeko” erabakia hartu izana eta “ausardia falta” ere sumatu dio ganbera horretan egindako hitzekin. PSOE-EEko Eneko Anduezaren aburuz, berriz, pandemiari erantzun egokia eman dio Jaurlaritzak –gobernuko bazkide da bere alderdia– eta Miren Gorrotxategi Elkarrekin Podemos-IUko ordezkariak “elkarrizketa eta akordioa” defenditu ditu, baina gogorarazi du euren proiektu politikoa eta Eusko Jaurlaritzak babesten duena desberdinak direla guztiz.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.