Iñigo Muguruza hil da
Iñigo Muguruza Irungo musikaria ostegun honetan hil da. Esklerosi anizkoitza zeukan eta gaixotasun hori dela-eta eszenatokiak utzi zituen 2015ean.
1964. urtean Irunen jaioa, Iñigo Muguruza musikarien familia bateko kidea zen. Bere anaia Ferminekin batera 1984an Kortatu taldea sortu zuen, Euskal Herriko rockaren historian berebiziko garrantzia izan duen banda: punk, ska eta reggae konbinazio elektrikoari esker, 80ko hamarkadako kanta garrantzitsu asko sinatu zituzten.
Talde horretako baxu-jotzailea izan zen eta lau disko argitaratu zituzten, hasieran nagusiki gaztelaniaz kantatuak, Kolpez kolpe (1988) diskoa oso-osorik euskaraz argitaratu arte.
Lan horrek jada iragartzen zuen hurrengo jauzia: Negu Gorriak, rocka, rapa eta beste hainbat estilo uztartuz 90eko hamarkadan zeresan handia eman zuen taldea.
Bigarren talde horretan gitarra jotzera pasa zen Iñigo Muguruza eta oraindik denbora geratu zitzaion beste talde esanguratsu bateko kide izateko ere: Delirium Tremens. Hiru aeroplano diskoan bigarren gitarra gisa aritu zen, askoren ustez taldearen albumik onena sinatuz.
Negu Gorriak taldeari jotzeko debekua ezarri ziotenean –Enrique Rodriguez Galindo Guardia Zibileko teniente koronelak salaketa jarri zien, Irungo taldeak droga trafikoan inplikatuta egotea leporatzen zion Ustelkeria kanta argitaratu zuenean–, beste proiektu batean murgildu zen ostegun honetan hil den musikaria: Joxe Ripiau.
Beste erregistro batzuetara egin zuen salto Muguruzak, musika bero eta dibertigarria eginez. Lehenbiziko aldiz taldeko ahots nagusia izan zen gainera, baxua jotzeaz gain. Jabier Muguruza anaia ere batu zen egitasmo horretara eta lau disko argitaratu zituzten 1996tik 2000ra bitartean, tartean Paradisu zinema izenekoa, zeinean kanta bakoitza film baten tematikaren inguruan osatu baitzuten, Muguruzaren zinema zaletasuna agerian utziz.
Beste hiru taldetako kide ere izan zen 2000ko hamarkadatik aurrera: Sagarroi, hasieran hardcore estiloa egiten hasi zena gerora ska doinu mestizoetara pasatzeko; Lurra, doinu akustikoak landu zituen taldea; eta Hiru Leike, Ane Odriozola eta Paula Andraderekin batera sortutako taldea.
Lurra taldeko kide zenean iragarri zuen esklerosi anizkoitza zeukala eta gaitz hori dela-eta etenaldia egingo zutela. 2017an talde hura desegin ondoren musika egiten jarraitu zuen ordea.
54 urterekin hil da belaunaldi oso baten soinu bandan ezinbesteko figura izan den musikaria.
Euskal Herriko Gazte Orkestra. Neguko topaketa
Zuzendaria: Iker Sánchez.
Narratzailea: Kepa Errasti.
Egitaraua: Britten eta Beethovenen lanak.
Lekua: Donostiako Victoria Eugenia antzokia.
Eguna: urtarrilaren 2a.
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Urte berri goiza Joxe Ansorenak, gure aitona Isidroren anaiak, sortutako biribilketa baten izenburua da, urteberri goizean txistulariek kalez kale jo zezaten asmatua. Doinu horren airean, gaueko kondarrak bilduz joaten ginen, zabor kamioiak bezala. Behin, Sakito mozkor galanta... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.
Benito Lertxundi 60 urte iraun duen kantugintza uzten zuela jakinarazi du Durangoko azoka aitzin. 2023an Gernikan grabatu zuen kontzertu baten diskoarekin bururatuko du bere ibilbide handia bezain aberatsa. Bazuen urtea hartua zuela erabakia, ez da erraza izan horren berri... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]