Ingeleseko PAI programako irakasleak egonkortzeko legea aztergai Nafarroako Legebiltzarrean
Ostegun honetan bozkatuko dute Hezkuntza Departamentuak landu duen proposamena eta gobernuan PSN bakarrik geratu da legearekin. Legebiltzarrean, ezinbestez UPNren sostengua beharko du legea aurrera ateratzeko, eta hark baldintza bat jarri dio: gaur egun hizkuntza programa dena eredu bihurtzea, D eredua bezala.
Aspalditik ari dira PSN eta UPN PAI ingelesezko programa Nafarroan betikotzeko formularen bila eta agian orain topatu dute horretarako giltza: batetik, hartan irakasten duten 350 irakasleren (plantillaren %70) lanpostua finko egiteko aztertuko den lege berezi horrekin; eta bestetik, hizkuntza programa dena hezkuntza eredu bihurtuz, UPNk eskatzen duen gisan. Jabier Esparzak onartu du eskaera hori Afapna sindikatutik egin dietela.
UPNk egindako eskaeren artean da behin lanpostu horiek egonkortzen direnean, irakasle horiek ezin aldatu ahal izatea gaztelaniazko edo euskarazko ereduetara, eskuindarren helburua programa hori sendotzea delako. Gertatzen da, alabaina, programa horretan ari den irakasle askok aukeran nahigo lukeela euskarazko edo gaztelaniazko ereduetan egotea.
Hainbat arrazoi daude horretarako, baina horien artean da, orain ingelesez irakastean duten sostengu eskasa. Eta, horrez gain, erosoago sentitzen dira klaseak euskaraz edo gaztelaniaz emanda.
Ingelesaren ezinbestekotasuna arazo orain arte
Geroa Bai PSNk aurkeztuko duen proposamenaren aurka egin du eta adierazi du Uxue Barkosen agintaldian saiatu zela Espainiako Gobernuarekin akordio batera iristen irakasle horiek egonkortzeko, baina ezinezkoa izan zela, Espainiako legediak ez duelako onartzen ingelesa ezinbestekoa izatea funtzio publikoan aritzeko.
Carlos Gimeno Hezkuntza kontseilariak aitortu duenez, PSN ere saiatu da bide horretan, eta ezintasunaren aurrean, egonkortasuna foru lege baten baitan ematea erabaki dute. Navarra Suma eta PSNz gain, legebiltzarreko beste alderdiak sozialistek proposatzen duten legearen aurka dira, bai langile publikoen artean sortuko diren desberdintasunengatik eta baita ere sor dezakeen ziurgabetasun juridikoagatik. LAB, ELA, Steilas eta UGT sindikatua ere legearen aurka agertu dira eta Hezkuntza Mahaian gaia negoziatzea eskatu diote Gimenori.
PAI, oso programa eztabaidatua
Hainbatek aitortu izan du ingelesezko PAI programa izan dela azken hamarkadetan D ereduaren atarian sartu den golik garrantzitsuena, eta orain lege honek eta eredu bihurtzeak urte askotarako sendotasuna eman diezaiokete ingeles programari.
PAI programak eztabaida handiak ekarri ditu Nafarroara, bai bere helburuetakoa D ereduaren aurka egitea dela salatu delako, eta baita pedagogikoki kontraesan handiak dituelako ere. Besteak beste, Castejongo Ikastetxe Publikoak PAI programatik ateratzea erabaki du, baina erabakia gauzatu arte egin behar duen gurutzbidea ez da txantxetakoa. Izan ere, programa hau bultzatu duen Nafarroako Gobernuak –PSNk eta UPNk – behartu egin ditu hainbat ikastetxe hartan ekitera, baina gero konforme ez badira, ateratzea ikaragarri zailtzen die.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
EHUko errektoretzarako hauteskundeak irabazi ditu Bengoetxearen hautagaitzak, botoen %63,6 lortuta. Beste taldeak berriz, Eva Ferreirarenak, botoen %36,3 jaso du. Parte hartzea %21,9koa izan da eta gora egin du aurreko hauteaskundeekin alderatuta
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Egunik goibelenetan ere, Larraulgo (Gipuzkoa) eskolako ateak ireki orduko irauli egiten da aldartea. Haurreskolako haurrengandik gertu, metro eskasera dago liburutegi-txokoa. Ordenagailuaren parean topatu dugu neskato bat, entzungailuak jantzita, arkatzez idazten eta koadernoari... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Hezkuntzaren Soziologian bada galdera klasiko bat: zertarako existitzen da hezkuntza sistema gizarte batean? Galderari emandako erantzunak ugariak dira, eta aldatuz doaz garaiaren arabera. Baina horien artean nabarmentzekoak ondoko hauek izan ohi dira: eskolak nagusiki... [+]
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]